Breaking News
യമനിലെ ഹൂതി ഭീകര കേന്ദ്രങ്ങള്‍ തകര്‍ത്തതായി സൗദി സഖ്യസേന | ലോക അത്ലറ്റിക് ചാംപ്യന്‍ഷിപ്പിനുള്ള ഒരുക്കങ്ങള്‍ അമീര്‍ വിലയിരുത്തി | ഉരീദുവിന്റെ പേരില്‍ ചിലര്‍ തട്ടിപ്പ് നടത്താന്‍ ശ്രമിക്കുന്നുണ്ടെന്ന് മുന്നറിയിപ്പ് | അന്താരാഷ്ട്ര നാവിക സുരക്ഷാ സഖ്യത്തില്‍ സൗദി അറേബ്യയും | ഇന്ത്യൻ ഇസ്ലാമിക് സ്മാരകങ്ങളുടെ പ്രദർശനം കത്താറയിൽ | എണ്ണകേന്ദ്ര ആക്രമണം : യു.എസ് വിദേശകാര്യ സെക്രട്ടറി മൈക്ക്‌ പോംപിയോ ജിദ്ദയിൽ | എണ്ണകേന്ദ്ര ആക്രമണം: തെളിവുകളുമായി സൗദി, പങ്കില്ലെന്ന്  ഇറാൻ . . . | ഗുണനിലവാരമുള്ള വിദ്യാഭ്യാസത്തിന് സുസ്ഥിരമായ ഭാവി ഉറപ്പാക്കാൻ കഴിയും: ഷെയ്‌ഖ മോസ | യുഎസ് വിസ ലഭിച്ചില്ലെങ്കിൽ യുഎൻ സമ്മേളനം ഒഴിവാക്കാൻ റൂഹാനി : സ്റ്റേറ്റ് മീഡിയ | അമീറിന്റെ സന്ദർശനം ഖത്തർ-ഫ്രാൻസ് ബന്ധം ശക്തിപ്പെടുത്തും |

ന്യൂഡല്‍ഹി: പാക്കിസ്ഥാനിലെ മുന്‍ എം.എല്‍.എ. ഇന്ത്യയില്‍ രാഷ്ട്രീയ അഭയം തേടി. ഇമ്രാന്‍ ഖാന്റെ തെഹ്രീക്-ഐ-ഇസാഫ് പാര്‍ട്ടിയിലെ എംഎല്‍എയായിരുന്ന ബാല്‍ദേവ് കുമാറാണ് അഭയം തേടിയത്.

പാക്കിസ്ഥാനില്‍ ന്യൂനപക്ഷ വിഭാഗങ്ങള്‍ക്കെതിരേയുള്ള പീഡനങ്ങള്‍ വര്‍ധിക്കുകയാണെന്നും രാഷ്ട്രീയ അഭയം നല്‍കണമെന്നുമാണ് ബാല്‍ദേവ് കുമാറിന്റെ ആവശ്യം. പാക്കിസ്ഥാനിലെ സംവരണ മണ്ഡലമായ ഖൈബര്‍ പഖ്തൂണ്‍ഖ്വയില്‍ നിന്നുള്ള എംഎല്‍എയായിരുന്നു ബാല്‍ദേവ് കുമാര്‍.

പാക്കിസ്ഥാനില്‍ മതന്യൂനപക്ഷമായ സിഖ് വിഭാഗം പീഡനം ഏറ്റുവാങ്ങേണ്ടിവരുന്ന സാഹചര്യമാണെന്ന് ചൂണ്ടിക്കാട്ടിയാണ് അദ്ദേഹം ഇന്ത്യയില്‍ അഭയം തേടിയിട്ടുള്ളത്. മൂന്ന് മാസത്തെ വിസയില്‍ ഓഗസ്റ്റ് 12-നാണ് ബാല്‍ദേവ് ഇന്ത്യയില്‍ എത്തിയത്. അതേസമയം, അദ്ദേഹത്തിന്റെ ഭാര്യയേയും മക്കളേയും മുമ്പുതന്നെ ലുധിയാനയിലെ ഖന്നയിലെത്തിച്ചിരുന്നു.

പാക്കിസ്ഥാനില്‍ ന്യൂനപക്ഷങ്ങള്‍ക്കെതിരേയുള്ള പീഡനങ്ങളെ തുടര്‍ന്നാണ് തന്റെ കുടുംബത്തെ ഇവിടെ നിന്ന് മാറ്റാന്‍ നിര്‍ബന്ധിതമായിരിക്കുന്നതെന്ന് അദ്ദേഹം പറഞ്ഞു. നിലവില്‍ അദ്ദേഹവും ഖന്നയിലാണ് താമസം. തനിക്ക് പാകിസ്താനിലേക്ക് മടങ്ങി പോകേണ്ടെന്നും ഇന്ത്യയില്‍ രാഷ്ട്രീയ അഭയം നല്‍കണമെന്നുമാണ് ബാല്‍ദേവ് ആവശ്യപ്പെട്ടിരിക്കുന്നത്.

ഐഎസ്ഐയും പാക്ക് സൈന്യവുമാണ് പ്രധാനമന്ത്രി ഇമ്രാന്‍ ഖാനെ നിയന്ത്രിക്കുന്നതെന്നും രാജ്യത്തെ ജനങ്ങളുടെ സുരക്ഷ ഉറപ്പാക്കുന്നതിലും ന്യൂനപക്ഷങ്ങളെ സംരക്ഷിക്കുന്നതിലും ഇമ്രാന്‍ ഖാന്‍ പരാജയപ്പെട്ടിരിക്കുകയാണെന്നും ബാല്‍ദേവ് കുറ്റപ്പെടുത്തി. മതത്തിന്റെ പേരില്‍ വലിയ പീഡനങ്ങളാണ് പാക്കിസ്ഥാനില്‍ നടക്കുന്നതെന്നും അദ്ദേഹം വെളിപ്പെടുത്തി. മതന്യൂനപക്ഷങ്ങല്‍ മാത്രമല്ല. മുസ്ലീം മതത്തിലുള്ളവര്‍ പോലും വലിയ ഭീഷണിയാണ് പാക്കിസ്ഥാനില്‍ നേരിടുന്നതെന്നും ബാല്‍ദേവ് പറഞ്ഞു.

ഇമ്രാന്‍ ഖാന്‍ 2018-ല്‍ അധികാരത്തില്‍ എത്തിയപ്പോള്‍ പാക് ജനത ഏറെ സന്തോഷിച്ചിരുന്നു. എന്നാല്‍, പുതിയ പാക്കിസ്ഥാന്‍ നിര്‍മിക്കുമെന്ന ഇമ്രാന്‍ ഖാന്റെ വാഗ്ദാനം വെറും പാഴ്വാക്കായിരിക്കുകയാണെന്നും ബാല്‍ദേവ് കുറ്റപ്പെടുത്തി.

Top