Breaking News
ഏഷ്യൻ തൊഴിലാളികൾക്ക് വെള്ളിയാഴ്ച സൗജന്യ മെഡിക്കൽ ക്യാമ്പ് | സൈബർ തട്ടിപ്പിനെതിരെ ഖത്തർ ആഭ്യന്തര മന്ത്രാലയം ജാഗ്രത | ദോഹ തുറമുഖത്ത് പുതിയ ക്രൂയിസ് പാസഞ്ചർ ടെർമിനൽ ഉദ്ഘാടനം ചെയ്തു | അരാംകോയില്‍ എണ്ണ ഉത്പാദനം അടുത്ത മാസാവസാനം പൂര്‍ണ തോതില്‍ ആരംഭിക്കും | അ​ഫ്ഗാ​നി​സ്ഥാ​നി​ല്‍ താ​ലി​ബാ​ന്‍ ആ​ക്ര​മ​ണ​ത്തി​ല്‍ 15 പോ​ലീ​സു​കാ​ര്‍ കൊ​ല്ല​പ്പെ​ട്ടു | സിറിയൻ അതിർത്തിയിൽ നിന്ന് സൈന്യത്തെ പിൻവലിക്കുമെന്ന് തുർക്കി | പ്രധാനമന്ത്രി നരേന്ദ്ര മോദി ഈ മാസം 29ന് സൗദി അറേബ്യ സന്ദര്‍ശിക്കും | ബി.സി.സി.ഐയെ ഇനി ഗാംഗുലി നയിക്കും; പ്രസിഡന്റായി ചുമതലയേറ്റു | ഖത്തർ എയർവേയ്‌സ് അടുത്ത വർഷം 40 വിമാനങ്ങൾ സ്വന്തമാക്കും | ഖത്തറിൽ ഏറ്റവും വലിയ അറവുശാല 2020ൽ അൽ വക്രയിൽ |
ഖത്തറിലെ താപനില ഓരോ ദിവസവും വർധിച്ചുകൊണ്ടിരിക്കുകയാണ്. ചൂട് 45 ഡിഗ്രി സെൽഷ്യസിലേക്ക് അടുത്തിരിക്കുകയാണ്. ഈ സമയത്ത് പ്രവാസികളും പൗരന്മാരും നേരിടുന്ന മുഖ്യ പ്രശ്നമാണ് നിർത്തിയിട്ട കാറിൽ കുറച്ചു സമയങ്ങൾക്ക് ശേഷം പ്രവേശിക്കുയെന്നത്. പാർക്ക് ചെയ്ത കാറുകളിലേക്ക് പ്രവേശിക്കുന്നത് ഒരു പേടിസ്വപ്നം ആണ്. നിങ്ങളുടെ കാർ ചെറുതായി ഒന്ന് തണുപ്പിച്ചു നിർത്താനും ശക്തമായ ചൂട് ഒഴിവാക്കാനും ചില വിദ്യകൾ ഇതാ . .. .


1. തണൽ അല്ലെങ്കിൽ സ്മാർട്ട് പാർക്ക്. ഒരു കെട്ടിടത്തിന്റെയോ അല്ലെങ്കിൽ കെട്ടിടത്തിന്റെ നിഴലിലോ പാർക്ക് ചെയ്യുക. അഥവാ നിങ്ങളുടെ കാർ തുറന്ന സ്ഥലത്ത്  പാർക്ക് ചെയ്യുകയാണെങ്കിൽ, സൂര്യന് കാറിന് പിന്നിലുള്ള വിധത്തിൽ പാർക്ക് ചെയ്യുക. ഇത് സ്റ്റീയറിങ് വീൽ, ഡാഷ്ബോർഡ്, സീറ്റുകൾ എന്നിവയിലെ താപത്തിന്റെ തീവ്രത കുറയ്ക്കും

2.സൺ  ഷെയ്ഡ്സ്  . ശക്തമായ ചൂട് കാറിനുള്ളിൽ പ്രവേശിക്കുന്നത് ഒഴിവാക്കാൻ ഗുണനിലവാരമുള്ള സൺ  ഷെയ്ഡ്സ് ഉപയോഗിക്കാം 

3.  കാറിന്റെ  വിൻഡോകൾ ചെറുതായി തുറന്നിടുക. ഇത് കാറിനകത്തു വായു സഞ്ചാരം ഉണ്ടാക്കുകയും ചൂട് കുറയ്ക്കുകയും ചെയ്യും. എന്നാൽ മറ്റുള്ളവർക്ക് കാറിനുള്ളിൽ കൈകടത്താൻ കഴിയുന്ന വിധം വിൻഡോകൾ തുറക്കരുത് . കൂടാതെ പൊടിക്കാറ്റിന് സാധ്യത ഉണ്ടെങ്കിലും  വിൻഡോകൾ തുറന്നിടരുത്.

4 . കുറച്ച് സെക്കന്റുകൾ വാതിൽ തുറന്നു വയ്ക്കുക. കാറിൽ കയറുന്നതിനു മുമ്പ്  വാതിൽ തുറന്ന് 15-20 സെക്കൻഡ് നേരത്തേക്ക് വെയ്ക്കുക .  ഇത് കാറിലെ ചൂട് കുറയ്ക്കും. 

5 തണുപ്പിക്കുക . സ്റ്റിയറിംഗ് വീലും ഗിയർ നോബും തണുത്ത ടവൽ ഉപയോഗിച്ച് തുടയ്ക്കുക.

6.വിൻഡോ തുറന്നു വയ്ക്കുക. നിങ്ങൾ ഡ്രൈവിംഗ് ആരംഭിക്കുമ്പോൾ, എയർകണ്ടീഷനിംഗിൽ നിന്നുള്ള ചൂട് കാറ്റ്  നീക്കം ചെയ്യുന്നതിനായി ഒന്നോ രണ്ടോ മിനിറ്റ് തുറന്ന് വിൻഡോകൾ തുറന്നിടുക. സുഖകരമായ ഒരു പോയിന്റിലേക്ക് താപനില എത്തിയാൽ വിൻഡോകൾ  അടയ്ക്കുക.

കൂടാതെ ഒരിക്കലും ചൂട് സമയത്ത് ഒരു ചെറിയ ആവശ്യത്തിനാണെകിലും കുട്ടികളെ കാറിലിരുത്തി പുറത്തിറങ്ങരുത്.
Top