Breaking News
യമനിലെ ഹൂതി ഭീകര കേന്ദ്രങ്ങള്‍ തകര്‍ത്തതായി സൗദി സഖ്യസേന | ബന്ധം ശക്തമാക്കാൻ ഖത്തർ -ഫ്രാൻസ് : നേതാക്കൾ ചർച്ച നടത്തി | ഖത്തർ അമീർ ന്യൂയോർക്കിൽ എത്തിച്ചേർന്നു | ഖത്തറിനെതിരെ വ്യാജ അകൗണ്ടുകളിൽ സൗദി പൗരന്മാരുടെ അപവാദ പ്രചാരണം | ഖത്തറിൽ സമാന്തര വൈദ്യം നടത്തുന്നയാളെ അറസ്റ്റ് ചെയ്തതായി ആഭ്യന്തര മന്ത്രാലയം | ഖത്തറിൽ സമാന്തര വൈദ്യം; ജനങ്ങൾ ജാഗ്രത പാലിക്കണമെന്ന് ആഭ്യന്തര മന്ത്രാലയം | ഖത്തറിൽ പകൽ ചൂട് കൂടും. രാത്രി ഹ്യുമിഡിറ്റി വർധിക്കാനും സാധ്യത | ഖത്തറിലെ വാഹന ഗാരേജുകളിൽ വാഹനമുടമകൾ ചൂഷണം ചെയ്യപെടുന്നുവെന്ന് | ഹൂതികളുടെ ആക്രമണം : ഗള്‍ഫ് മേഖലയിലേക്ക് അമേരിക്കൻ സൈന്യം | ഖത്തറിനെതിരെ രൂക്ഷമായ വിമർശം , യു എ ഇക്കെതിരെ പരിഹാസം |
ദോഹ: ഇന്ത്യ-ഖത്തര്‍ സാംസ്‌കാരിക വര്‍ഷത്തിന്റെ ഭാഗമായി  കത്താറ കള്‍ച്ചറല്‍ വില്ലേജില്‍  പ്രമുഖ ഇന്ത്യന്‍ കലാകാരി സുരഭി ഗെയ്ക്‌വാദിന്റെ ചിത്രങ്ങളുടെ പ്രദര്‍ശനം . ഖത്തരി കലാകാരി ഇബ്തിസാം അല്‍ സഫറിന്റെ 13 ചിത്രങ്ങളോടൊപ്പമാണ് ഗെയ്ക്‌വാദിന്റെ 18 കലാസൃഷ്ടികളും പ്രദര്‍ശനത്തിനുള്ളത്.   

സംസ്‌കാരത്തിനും രാജ്യങ്ങള്‍ക്കുമപ്പുറം ജനങ്ങളെ ബന്ധിപ്പിക്കുന്ന ഘടകമാണ് കലയെന്ന് സുരഭി പറഞ്ഞു. കഴിഞ്ഞ അഞ്ച് വര്‍ഷമായി ഖത്തറിലുള്ള ഗെയ്ക്വാദിന്റെ ചിത്രങ്ങള്‍ ആദ്യമായാണ് ഖത്തറില്‍ പ്രദര്‍ശിപ്പിക്കുന്നത്. മൂന്നാം വയസ്സില്‍ കലയുടെ ലോകത്തേക്കു കടന്ന ഗെയ്ക്വാദിന് ഫൈന്‍ ആര്‍ട്സില്‍ ബിരുദാനന്തര ബിരുദമുണ്ട്.  

സ്ത്രീസ്വാതന്ത്ര്യത്തെയും ശാക്തീകരണത്തെയും പ്രതിനിധീകരിക്കുന്നതാണ് സൃഷ്ടികളില്‍ ഭൂരിഭാഗവും. ഫാഷനിലൂടെയാണ് അവര്‍ സ്വയം പ്രകടിപ്പിക്കുന്നത്. അതുകൊണ്ട് തന്നെ തന്റെ ചിത്രങ്ങളില്‍ മുഴുവന്‍ വര്‍ണപ്പകിട്ടുള്ള വസ്ത്രങ്ങള്‍ ധരിച്ചിട്ടുള്ള സ്ത്രീകളാണ് ഉള്ളത്-അവര്‍ പറഞ്ഞു. 

ഇന്ത്യയിലും ശ്രീലങ്കയിലും നേരത്തേ സുരഭിയുടെ ചിത്രപ്രദര്‍ശനങ്ങള്‍ നടന്നിട്ടുണ്ട്. കത്താറ ബില്‍ഡിങ് 19ലെ ഗാലറി രണ്ടില്‍ രാവിലെ 10 മുതല്‍ രാത്രി 10വരെയാണ് പ്രദര്‍ശനം നടക്കുന്നത്. ജൂലൈ 13 വരെ പ്രദര്‍ശനം തുടരും.  
Top