Breaking News
ദുബായിലെ ഷെയ്ഖ് സായിദ് റോഡിൽ ഒമ്പത് കാറുകൾ കൂട്ടിയിടിച്ചു | ഖത്തറിൽ പൊതുമരാമത്ത് വകുപ്പ് പുതിയ അണ്ടർ പാസ് തുറന്നു | ചൈനയിലേക്ക് സൗജന്യ മരുന്നുകളുമായി ഖത്തറിന്റെ എട്ട് വിമാനങ്ങൾ കൂടി പുറപ്പെടും | കേരളാ പോലീസിന്റെ 25 റൈഫിളുകൾ കാണാതായെന്ന വാർത്ത വ്യാജമെന്ന് | ഖത്തറിൽ ഹൈഡ്രോപോണിക് രീതിയിലുള്ള തക്കാളി കൃഷി വിജയത്തിലേക്ക് | കത്താറ പൈതൃക കേന്ദ്രത്തിന്റെ പ്രഥമ അൽ വാസ്മി ഗാർഡൻ ഫെസ്റ്റിവൽ നാളെ ആരംഭിക്കും | കൊറോണ വൈറസ് ചൈനയുടെ ജൈവായുധമാണെന്ന സംശയമുയര്‍ത്തി മനീഷ് തിവാരി; 'The Eyes of Darkness' എന്ന പുസ്തകത്തിലെ ചില ഭാഗങ്ങള്‍ ട്വീറ്റ് ചെയ്തു | കൊറോണ മാംസാഹാരികളെ ശിക്ഷിക്കാനെത്തിയ അവതാരമാണെന്ന് ഹിന്ദു മഹാസഭ | സ്ത്രീകളെ ഉപയോഗിച്ച് ഫോണ്‍ കെണി; ഇസ്രായേല്‍ സൈനികരുടെ മൊബൈല്‍ ഫോണുകള്‍ കൂട്ടത്തോടെ ഹാക്ക് ചെയ്തു | ഊർജ കാര്യക്ഷമത പ്രോത്സാഹിപ്പിക്കാൻ തർഷീദ് മത്സരങ്ങൾ നടത്തുന്നു |
2019-08-25 02:42:58pm IST

 ദോഹ:ബി റിങ് റോഡ് വികസന പദ്ധതിയുടെ നിർമ്മാണ പ്രവർത്തനങ്ങൾ പൊതുമരാമത്ത് വകുപ്പ് (അഷ്ഗാല്‍) ആരംഭിച്ചു. പദ്ധതി നിര്‍മാണം 2021 രണ്ടാം പാദത്തില്‍ പൂര്‍ത്തിയാകും. അഷ്ഗാലിന്റെ ഏറ്റവും പ്രധാനപ്പെട്ട പദ്ധതിയാണിത് ആരംഭിച്ചിരിക്കുന്നത്.

അഞ്ച് ഘട്ട‌ങ്ങളിലായുള്ള പദ്ധതിയുടെ ആദ്യ 4 ഘട്ടങ്ങളുടെ നിര്‍മാണങ്ങള്‍ക്കാണ് തുടക്കമിട്ടത്.ബി റിങ് റോഡ്, അല്‍ ഖലീജ് സ്ട്രീറ്റ് എന്നിവയുടെ വികസനമാണ് പദ്ധതിയിലുള്ളതെന്ന് ദോഹ സിറ്റി പദ്ധതി മേധാവി എന്‍ജിനീയര്‍ മുഹമ്മദ് അര്‍ഖൂബ് അല്‍ ഖാല്‍ദി പറഞ്ഞു. 

 ബി റിങ്  റോഡിനെ  റുമൈല ആശുപത്രി, ഖത്തര്‍ ദേശീയ മ്യൂസിയം, മ്യൂസിയം ഓഫ് ഇസ്‌ലാമിക് ആര്‍ട്, സൂഖ് വാഖിഫ്, അല്‍ ബിദ പാര്‍ക്ക് എന്നിവയുമായി ഒരു പദ്ധതി. മിഷെറബ്, അല്‍ മുംതസ, കോര്‍ണിഷ്, അല്‍ സദ്ദ്, ബിന്‍ മഹ്മൂദ് എന്നിവിടങ്ങളിലെ ഗതാഗതം സുഗമമാക്കുന്നതാണ് അല്‍ ഖലീജ് സ്ട്രീറ്റ് പദ്ധതി.

10 കിലോമീറ്റര്‍ പാതയാണ് പദ്ധതി പ്രകാരം വകുപ്പ് വികസിപ്പിക്കുന്നത്. ഇരു ദിശകളിലേക്കുമുള്ള പാതകള്‍ 2 മുതല്‍ 3 വരെയാക്കി വര്‍ധിപ്പിക്കും. റുമൈല ആശുപത്രിയുടെ പ്രവേശന റോഡും വികസിപ്പിക്കും. 6 ഇന്റര്‍സെക്‌ഷനുകള്‍ നവീകരിക്കുന്നത് കൂടാതെ 3 റൗണ്ട് എബൗട്ടുകള്‍ സിഗ്നല്‍ നിയന്ത്രിതമാക്കും.

സൈക്കിള്‍ പാതകള്‍ , 2 കാല്‍നടപാലങ്ങള്‍,പുതിയ സ്ട്രീറ്റ് ലൈറ്റുകള്‍ എന്നിവ അല്‍ ഖലീജ് സ്ട്രീറ്റില്‍ ഉണ്ടാകും. കാല്‍നടപാലങ്ങള്‍ എലവേറ്ററുകളോടുയവയാണ്. പാര്‍ക്കിങ് ബേകളുടെ എണ്ണവും വര്‍ധിപ്പിക്കും. ഡ്രെയിനേജ്, ടെലികോം വിതരണ ശൃംഖല എന്നിവ ഉള്‍പ്പെടെ ബി റിങ് റോഡിലെ അടിസ്ഥാന സൗകര്യ വികസനങ്ങളും വര്‍ധിപ്പിക്കും. 47.2 കോടി റിയാലാണ് പദ്ധതിച്ചെലവ്. 

 

Top