2019-08-04 09:39:27am IST
ദോഹ: മ മനുഷ്യക്കടത്ത് തടയാൻ ഇന്ത്യ ഉൾപ്പെടെയുള്ള രാജ്യങ്ങളുമായി ഖത്തർ ധാരണാപത്രം  ഒപ്പുവെച്ചു  .  ദേശീയ മനുഷ്യക്കടത്ത് പ്രതിരോധ കമ്മിറ്റി സെക്രട്ടറി ജനറൽ മുഹമ്മദ് ഹസൻ അൽ ഒബൈദലിയാണ് ഇക്കാര്യം വ്യക്തമാക്കിയത്.

വിദേശരാജ്യങ്ങളിൽ നിന്നുള്ള തൊഴിലാളി റിക്രൂട്മെന്റ് സുരക്ഷിതമാക്കുകയാണ് പ്രധാന ലക്ഷ്യം. ഇന്ത്യ, ഫിലിപ്പീൻസ് ,സ്വിറ്റ്സർലൻഡ്, ബ്രിട്ടൻ, ഫിലിപ്പീൻസ് എംബസികളുമായും മനുഷ്യക്കടത്ത് പ്രതിരോധത്തിനായി ധാരണാപത്രങ്ങൾ ഒപ്പുവച്ചിട്ടുണ്ട്.

മനുഷ്യക്കടത്ത് പ്രതിരോധത്തിൽ സഹകരണവും ആശയകൈമാറ്റവും ലക്ഷ്യമിട്ട് യുഎസുമായി കരാറും ഇന്റർനാഷനൽ ലേബർ ഓർഗനൈസേഷനുമായി ധാരണാപത്രവും ഒപ്പുവച്ചു. ഖത്തർ മനുഷ്യക്കടത്ത് വിമുക്തരാജ്യമാണെന്നും അൽ ഒബൈദലി പറഞ്ഞു.

മനുഷ്യക്കടത്തിനെ പ്രതിരോധിക്കാൻ വ്യക്തമായ നയങ്ങളാണ് രാജ്യം സ്വീകരിച്ചിരിക്കുന്നത്. ലോക മനുഷ്യക്കടത്ത് വിരുദ്ധ ദിനാചരണത്തിന്റെ ഭാഗമായി നടത്തിയ ശിൽപശാലയിലാണ് ഇക്കാര്യങ്ങൾ വിശദീകരിച്ചത്.

ദിനാചരണത്തിന്റെ ഭാഗമായി ഇരകൾക്കായി മാനുഷിക പരിചരണ കേന്ദ്രവും തുറന്നിരുന്നു. ഇരകൾക്കുള്ള താമസ സൗകര്യം എന്നതിനേക്കാൾ പ്രതിരോധ പ്രവർത്തനങ്ങളുടെ ഭാഗമായാണ് അഭയകേന്ദ്രവും മാനുഷിക പരിചരണ കേന്ദ്രവും തുറന്നതെന്നും അൽ ഒബൈദലി പറഞ്ഞു.

Top