2019-08-20 12:05:09pm IST
തിരുവനന്തപുരം: ഇന്ത്യയുടെ ചന്ദ്രയാൻ വിജയ കുതിപ്പിൽ.ചന്ദ്രയാൻ 2 പേടകം വിജയകരമായി ചന്ദ്രന്റെ ഭ്രമണപഥത്തിലെത്തി. സങ്കീർണമായ പ്രക്രിയ വിജയിച്ചെന്ന് ഐഎസ്ആർഓ അറിയിച്ചു.രാവിലെ 9.02ന് തുടങ്ങിയ പ്രക്രിയ 1738 സെക്കൻഡിൽ അവസാനിച്ചെന്ന് ഇസ്റോ അറിയിച്ചു.

മുപ്പതു ദിവസത്തെ സഞ്ചാരത്തിനു ശേഷമാണ് ചന്ദ്രയാൻ ചാന്ദ്രഭ്രമണപഥത്തിലെത്തിയത്.  ഭൂമിയുടെ ഭ്രമണപഥത്തിൽനിന്ന് 14നാണ് പേടകം കുതിച്ചത്. ജൂലായ് 22ന് വിക്ഷേപിച്ച ചന്ദ്രയാന്‍ സെപ്റ്റംബര്‍ ഏഴിന് ചന്ദ്രനില്‍ ഇറങ്ങുമെന്നാണ് കണക്കാക്കുന്നത്.ഭ്രമണപഥത്തിലൂടെയുള്ള സഞ്ചാരം പൂർത്തിയാക്കുന്നതോടെ ചന്ദ്രന്റെ ദക്ഷിണധ്രുവത്തിനു സമീപം മാർസിനസ് സി, സിംപെലിയസ് എൻ വിള്ളലുകൾക്കിടയിലായിരിക്കും ലാൻഡർ മൊഡ്യൂൾ പറന്നിറങ്ങുക.

ചന്ദ്രന്റെ മധ്യരേഖയ്ക്കു നിന്ന് തെക്കോട്ട് ഇത്രയും ദൂരം മാറി ഒരു ദൗത്യം ഇറങ്ങുന്നത് ഇതാദ്യമായി. ഇറങ്ങി 4 മണിക്കൂർ കൊണ്ട് ലാൻഡറിൽ നിന്ന് റോവർ പുറത്തേക്കെത്തി പര്യവേഷണം തുടങ്ങും. റോവറിൽ നിന്ന് ലാൻഡറിലെത്തുന്ന ഗവേഷണ വിവരങ്ങൾ അവിടെ നിന്നു ഭൂമിയിലേക്ക് അയയ്ക്കുക ഓർബിറ്ററായിരിക്കും. ചന്ദ്രനെ ഒരു വർഷം 100 കി.മീ ഉയരത്തിൽ നിന്ന് ഓർബിറ്റർ ഭ്രമണം ചെയ്തും വിവരങ്ങൾ ശേഖരിക്കും.

#ISRO
Today (August 20, 2019) after the Lunar Orbit Insertion (LOI), #Chandrayaan2 is now in Lunar orbit. Lander Vikram will soft land on Moon on September 7, 2019 pic.twitter.com/6mS84pP6RD

— ISRO (@isro) August 20, 2019 ">ഇന്ത്യയുടെ ചന്ദ്രയാൻ വിജയ കുതിപ്പിൽ

Top