2019-06-27 08:15:38am IST
ഖത്തർ ലോകകപ്പ് 2022 ന്റെ മത്സര വേദികളിലൊന്നായ അൽ തുമാമ സ്റ്റേഡിയത്തിന്റെ മേൽക്കൂര ഘടിപ്പിക്കാനുള്ള കൂറ്റൻ ലോഹ വളയം ഇന്നലെ സ്ഥാപിച്ചു. നിർമാണത്തിലെ ഏറ്റവും പ്രധാനപ്പെട്ട ജോലിയാണിത്.

5,15,400 ചതുരശ്രമീറ്റർ വിസ്തീർണമുള്ള അൽ തുമാമ സ്റ്റേഡിയത്തിൽ 40,000 പേർക്കുള്ള ഇരിപ്പിടമാണു സജ്ജീകരിക്കുന്നത്. ക്വാർട്ടർ ഫൈനൽ വരെയുള്ള മത്സരങ്ങൾക്കാണു സ്റ്റേഡിയം വേദിയാകുന്നത്.

പ്രാദേശിക കമ്പനിയായ അൽ ജാബർ എൻജിനീയറിങും തുർക്കിയുടെ ടെക്‌ഫെൻ കൺസ്ട്രക്‌ഷൻസും ചേർന്നാണു സ്റ്റേഡിയം നിർമിക്കുന്നത്.

അറബ് പൈതൃകവും ആധുനിക വാസ്തുവിദ്യയും കോർത്തിണക്കിയുള്ളതാണു സ്‌റ്റേഡിയത്തിന്റെ ഡിസൈൻ.സ്വദേശി ആർക്കിടെക്റ്റായ ഇബ്രാഹിം.എം.ജൈദയാണ് ഡിസൈൻ തയാറാക്കിയത്.
Top