Breaking News
ഇൻഡിഗോ ദോഹയിൽ നിന്ന് ഇന്ത്യയിലേക്ക് പുതിയ സർവീസ് ആരംഭിക്കുന്നു | ദുബായിൽ ക്ലീനർ 8.4 ദശലക്ഷം ദിർഹം വിലമതിക്കുന്ന വാച്ചുകൾ മോഷ്ടിച്ചു | മകനെ അറസ്റ്റ് ചെയ്യാൻ വന്ന ദുബായ് പോലീസുകാരനെ അമ്മ കടിച്ചു | അൽ മോജ് മസ്കറ്റ് മാരത്തണിനായി 10, 000 പേർ ഒരുങ്ങി | ഉത്തര സിറിയയിൽ നിന്ന് കുഞ്ഞുങ്ങളടക്കം ഒരു ലക്ഷത്തോളം പേർ പലായനം ചെയ്യുന്നുവെന്ന് റിപ്പോർട്ട് | സിറിയയിലെ അലെപ്പോ രാജ്യാന്തര വിമാനത്താവളം പ്രവർത്തനം പുനരാരംഭിച്ചു | ഖത്തർ ഉപരോധം ഗൾഫിലെ മറ്റു രാഷ്ട്രങ്ങളെയും ബാധിച്ചു തുടങ്ങിയെന്ന് മന്ത്രി | ഖത്തറിൽ അനധികൃത മദ്യ വില്പന; രണ്ട്‌ ഏഷ്യൻ വംശജർ അറസ്റ്റിൽ | ബ്രിട്ടീഷ് എയർവെയ്സിൽ ഖത്തർ എയർവേയ്‌സ് നിക്ഷേപം വർധിപ്പിച്ചു | ദോഹ കേന്ദ്ര വികസന പദ്ധതി ഖത്തർ അമീർ സന്ദർശിച്ചു |
2019-08-03 03:21:50am IST
ദോഹ: ബലിപ്പെരുന്നാൾ ആഘോഷമാക്കാൻ സന്ദർശകരെ സ്വാഗതം ചെയ്യാൻ ഒരുങ്ങിയിരിക്കുകയാണ് അൽ ഷീഹാനിയയിലെ മരുഭൂമിത്തോട്ടം .ഇതിനായി നഗരസഭ -പരിസ്ഥിതി മന്ത്രാലയം (എംഎംഇ)  മരുഭൂമിത്തോട്ടത്തിൽ അവശ്യ ക്രമീകരണങ്ങൾ ഏർപ്പെടുത്തിയിട്ടുണ്ട്.സന്ദർശകർക്കായി എല്ലാ സൗകര്യങ്ങളും സേവനങ്ങളും പൂന്തോട്ടത്തിൽ ഉണ്ടെന്ന് എംഎംഇ  പത്രക്കുറിപ്പിൽ  അറിയിച്ചു.

ആവശ്യമായ അറ്റകുറ്റപ്പണികൾ നടത്തി, സന്ദർശകരുടെ സുരക്ഷ ഉറപ്പാക്കാൻ എല്ലാ നടപടികളും സ്വീകരിച്ചു. കളിസ്ഥലങ്ങളിലും സ്പാ പൂളുകളിലും ശുചീകരണവും അറ്റകുറ്റപ്പണികളും നടത്തി. കൂടാതെ അവശ്യ സേവനങ്ങൾ ഉറപ്പാക്കാൻ തോട്ടത്തിൽ അടിയന്തര ടാസ്‌ക് ഫോഴ്‌സിനെ വിന്യസിച്ചിട്ടുണ്ടെന്നും മന്ത്രാലയം അറിയിച്ചു.

ഈദ് അൽ-അദാ അവധിക്കാലത്ത് രാവിലെ 6 മുതൽ രാത്രി 11 വരെ സന്ദർശകർക്കായി മരുഭൂമി ഉദ്യാനം തുറക്കും.ഹരിത പ്രദേശങ്ങളും വിനോദ സ്ഥലങ്ങളും വർദ്ധിപ്പിക്കുകയെന്ന ലക്ഷ്യത്തോടെ പൊതു ഉദ്യാനങ്ങളും പാർക്കുകളും സ്ഥാപിക്കാനുള്ള എംഎംഇയുടെ ശ്രമത്തിന്റെ ഭാഗമായാണ് ഈ വർഷം ഏപ്രിലിൽ പാർക്ക്  പ്രവർത്തനം ആരംഭിച്ചത്.

 

Top