News Desk

2021-04-17 09:17:33 pm IST
റിയാദ്: ഡ്രൈവിങ് ലൈസന്‍സിന്റെ ഡിജിറ്റല്‍ കോപ്പി സൗദി ട്രാഫിക് ഡയറക്ടറേറ്റ് പുറത്തിറക്കി. ആഭ്യന്തര മന്ത്രാലയത്തിന്റെ ഓണ്‍ലൈന്‍ സര്‍വിസ് പ്ലാറ്റ്‌ഫോമായ അബ്ശിര്‍ ഇന്‍ഡിവിജ്വല്‍സ് ഐ.ടി അതോറിറ്റിയുടെ തവക്കല്‍നാ മൊബൈല്‍ ആപ്പ് എന്നിവ വഴിയാണ് ലൈസന്‍സിന്റെ ഡിജിറ്റല്‍ കോപ്പി ലഭ്യമാകുക.

നാഷണല്‍ ഇന്‍ഫര്‍മേഷന്‍ സെന്ററുമായി സഹകരിച്ചാണ് ഡ്രൈവിങ് ലൈസന്‍സിന്റെ ഡിജിറ്റല്‍ കോപ്പി വികസിപ്പിച്ചതെന്ന് സൗദി ട്രാഫിക് ഡയറക്ടറേറ്റ് വ്യക്തമാക്കി. ഡ്രൈവിങ് ലൈസന്‍സ് ആവശ്യമുള്ള നടപടിക്രമങ്ങള്‍ക്കെല്ലാം സുരക്ഷാ വകുപ്പുകള്‍ക്കു മുന്നില്‍ ഡിജിറ്റല്‍ കോപ്പി പ്രദര്‍ശിപ്പിച്ചാല്‍ മതി. 

ഡിജിറ്റല്‍ ഡ്രൈവിങ് ലൈസന്‍സ് കോപ്പിയില്‍ ക്യു.ആര്‍ കോഡ് അടങ്ങിയിട്ടുണ്ട്. ഡിജിറ്റല്‍ ലൈസന്‍സ് കോപ്പി സ്മാര്‍ട്ട് ഉപകരണങ്ങളില്‍ സൂക്ഷിക്കാനും ഇന്റര്‍നെറ്റിന്റെ ആവശ്യമില്ലാതെ തന്നെ ഏതു സമയത്തും ഉപയോഗിക്കാന്‍ സാധിക്കുമെന്നും സൗദി ട്രാഫിക് ഡയറക്ടറേറ്റ് അറിയിച്ചു.


കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്‌സ്ആപ്പ് ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക
Top