2019-08-26 02:57:17am IST
മസ്‌കത്ത് : ഒമാനിൽ തൊഴിൽ വിസ ഓൺലൈൻ വഴിയാക്കാനൊരുങ്ങി റോയല്‍ ഒമാന്‍ പൊലീസ്. ഇ–വീസാ സംവിധാനം തൊഴില്‍ വീസയിലും ഉടന്‍ പ്രാബല്യത്തില്‍ വരുമെന്ന് പൊലീസ് പ്രസ്താവനയില്‍ അറിയിച്ചു.

https://evisa.rop.gov.om/  എന്ന വെബ്‌സൈറ്റില്‍ യൂസര്‍നെയിം, പാസ്‌വേഡ് എന്നിവ റജിസ്റ്റര്‍ ചെയ്ത് തൊഴിലുടമക്ക് നേരിട്ട് വീസയ്ക്ക് അപേക്ഷ നല്‍കാനാകും.ഓഫീസുകള്‍ കയറി ഇറങ്ങിയുള്ള സമയ നഷ്ടം ഒഴിവാക്കാനും ഇതിലൂടെ സാധിക്കും.

നിലവിൽ ഇ-ടൂറിസ്റ്റ് വീസയാണ് ഒമാൻ നൽകുന്നത് . ഓണ്‍ലൈന്‍ വീസാ സൗകര്യം ഏറെ ഗുണം ചെയ്യുമെന്ന് റോയല്‍ ഒമാന്‍ പൊലീസ് വ്യക്തമാക്കി. പൊലീസ് വെബ്‌സൈറ്റ് സന്ദര്‍ശിക്കുന്നവര്‍ക്ക് ഇ-വിസ സംവിധാനത്തെ കുറിച്ച് കൂടുതല്‍ വിവരങ്ങള്‍ ലഭിക്കും. അവധി ദിനത്തിലും വെബ്‌സൈറ്റ് സന്ദര്‍ശിച്ച് വീസ ലഭ്യമാക്കാവുന്നതാണ്.
Top