News Desk

2021-05-27 09:13:22 pm IST
കുവൈത്ത് സിറ്റി: ഇന്ത്യന്‍ പ്രവാസികള്‍ക്കുള്ള എംബസി സേവനങ്ങള്‍ മെച്ചപ്പെടുത്തുന്നതിന്റെ ഭാഗമായി വിവിധ ആവശ്യങ്ങള്‍ക്കായി പ്രത്യേക വാട്‌സ്ആപ്പ്് ഹെല്‍പ് ലൈന്‍ നമ്പറുകള്‍ പുറത്തുവിട്ട് കുവൈത്തിലെ ഇന്ത്യന്‍ എംബസി. എംബസിയുടെ വ്യത്യസ്ത സേവനങ്ങള്‍ക്കായി 12 വാട്‌സ്ആപ്പ് ഹെല്‍പ് ലൈന്‍ നമ്പറുകളാണ് അധികൃതര്‍ തയ്യാറാക്കിയിരിക്കുന്നത്. നിലവില്‍ ഇന്ത്യന്‍ എംബസിയുമായി ബന്ധപ്പെടുന്നതിനുള്ള ലാന്‍ഡ് ലൈന്‍, മൊബൈല്‍, ഇ-മെയില്‍ സംവിധാനങ്ങള്‍ക്ക് പുറമെയാണിത്.

എംബസി സേവനങ്ങള്‍ ആവശ്യമുള്ളവര്‍ അതുമായി ബന്ധപ്പെട്ട വാട്‌സ് ആപ്പ് നമ്പറില്‍ മെസേജ് അയച്ചാല്‍ മതിയാവും. പൂര്‍ണമായ പേര്, അഡ്രസ്, കോണ്‍ടാക്റ്റ് നമ്പര്‍ എന്നിവ സന്ദേശത്തില്‍ ഉള്‍പ്പെടുത്തിയിരിക്കണം. ഈ നമ്പറുകള്‍ വാട്‌സ്ആപ്പ് സന്ദേശം അയക്കുന്നതിന് വേണ്ടി മാത്രമാണുള്ളതെന്നും ഇതിലേക്ക് വിളിക്കരുതെന്നും അധികൃതര്‍ അറിയിച്ചു.

ഫോണ്‍ കോളുകള്‍ക്ക് നിലവിലെ ലാന്‍ഡ് ലൈന്‍, മൊബൈല്‍ നമ്പറുകള്‍ ഉപയോഗിക്കാം. എമര്‍ജന്‍സി ഹെല്‍പ് ലൈന്‍ നമ്പറുകള്‍ ഒഴികെയുള്ള വാട്‌സ്ആപ്പ് നമ്പറുകളില്‍ അയക്കുന്ന സന്ദേശങ്ങള്‍ക്ക് ഞായര്‍ മുതല്‍ വ്യാഴം വരെയുള്ള ദിവസങ്ങളില്‍ രാവിലെ എട്ട് മുതല്‍ വൈകിട്ട് 4.30 മണി വരെയുള്ള പ്രവൃത്തി സമയങ്ങളില്‍ മാത്രമേ മറുപടി ലഭിക്കുകയുള്ളൂ എന്നും അധികൃതര്‍ വ്യക്തമാക്കി.


1. പാസ്പോര്‍ട്ട് - സാധാരണ അന്വേഷണങ്ങള്‍ ഒഴികെ (കോണ്‍സുലാര്‍ വിംഗ്) - +965-65501767

2 വിസ, വിദേശ മലയാളികള്‍, അറ്റസ്റ്റേഷന്‍, മറ്റ് സേവനങ്ങള്‍ (കോണ്‍സുലാര്‍ വിംഗ്)- +965-65501013

3. ഹോസ്പിറ്റല്‍/അടിയന്തര മെഡിക്കല്‍ സേവനങ്ങള്‍ (കമ്മ്യൂണിറ്റി വെല്‍ഫെയര്‍ വിഭാഗം)- +965-65501587

4. മരണ രജിസ്ട്രേഷന്‍ (കമ്മ്യൂണിറ്റി അഫയേഴ്സ്)- +965-65505246

5. കുവൈറ്റിലെ ഇന്ത്യന്‍ അസോസിയേഷനുകള്‍ (കമ്മ്യൂണിറ്റി അഫയേഴ്സ്)- +965-65501078

6. വനിതാ ഗാര്‍ഹിക തൊഴിലാളികള്‍- വിസ 20 (ലേബര്‍ വിംഗ്)- +965-65501754

7. തൊഴിലുമായി ബന്ധപ്പെട്ടവ- വിസ 14,18, പുരുഷ ഗാര്‍ഹിക തൊഴിലാളികള്‍- വിസ 20 (ലേബര്‍ വിംഗ്)- +965-65501769

8. കൊമേഴ്സ്യല്‍ അറ്റസ്റ്റേഷന്‍ (കൊമേഴ്സ്യല്‍ വിംഗ്)- +965-65505097

9. എമര്‍ജന്‍സി ഹെല്‍പ് ലൈന്‍- ഓഫീസ് സമയം അല്ലാത്തപ്പോള്‍ (അഡ്മിനിസ്ട്രേഷന്‍ വിംഗ്)- +965-65501946

10. പാസ്പോര്‍ട്ട് - സാധാരണ അന്വേഷണങ്ങള്‍ (ഔട്ട്സോഴ്സ്ഡ് സെന്റര്‍)- +965-65506360

11. ഗാര്‍ഹിക തൊഴിലാളികളുടെ പ്രശ്നങ്ങള്‍- നേരിട്ടുള്ള വിളികള്‍ക്കും വാട്‌സ്ആപ്പ് സന്ദേശങ്ങള്‍ക്കും (ഔട്ട്സോഴ്സ്ഡ് ഏജന്‍സി)- +965-51759394, +965-55157738



കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്‌സ്ആപ്പ് ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക
Top