2019-07-18 04:17:17am IST

ക്വാലലംപൂർ: 2022-ൽ  ഖത്തർ ആതിഥേയത്വം വഹികുന്ന  ഫുട്‌ബോൾ ലോകകപ്പിനുള്ള ഏഷ്യൻ മേഖലാ യോഗ്യതാ മത്സരങ്ങളുടെ  പട്ടിക  അവതരിപ്പിച്ചു. എട്ട് ഗ്രൂപ്പുകളിലായി 40 ടീമുകളാണ് രണ്ടാംഘട്ട യോഗ്യതാ മത്സരങ്ങളിൽ  മത്സരിക്കുന്നത്.

ലോകകപ്പ് ആതിഥേയരായ ഖത്തറും കരുത്തരായ ഒമാനും അടങ്ങുന്ന ഗ്രൂപ്പ് ഇയിലാണ് ഇന്ത്യ കളിക്കുന്നത്. ജൂണിലെ ഫിഫ റാങ്കിംഗ് പ്രകാരം ഏഷ്യയിലെ ആദ്യ 34 സ്ഥാനങ്ങളിലുള്ള ടീമുകളും ഒന്നാം ഘട്ട യോഗ്യതാ റൗണ്ട് കടന്നെത്തിയ ആറ് ടീമുകളുമടക്കമാണ് രണ്ടാം റൗണ്ടിൽ ഏറ്റുമുട്ടുക. 

ഈ റൗണ്ടിൽ ഗ്രൂപ്പ് ജേതാക്കളാകുന്ന എട്ട് ടീമുകളും മികച്ച നാല് രണ്ടാം സ്ഥാനക്കാരും അടുത്ത റൗണ്ടിലേക്ക് മുന്നേറും.ഏഷ്യൻ ചാമ്പ്യന്മാരായ ഖത്തർ, ഒമാൻ, ഒന്നാം റൗണ്ട് കഴിഞ്ഞെത്തിയ ബംഗ്ലാദേശ്, അഫ്ഗാനിസ്താൻ ടീമുകളാണ് ഇന്ത്യയടക്കമുള്ള ഗ്രൂപ്പ് എയിലുള്ളത്. 

ഇന്റർ കോണ്ടിനെന്റൽ കപ്പിൽ മികച്ച പ്രകടനം പുറത്തെടുത്ത ഇന്ത്യൻ ടീമിന് കടുപ്പമേറിയ മത്സരങ്ങളായിരിക്കും യോഗ്യതാ റൗണ്ടിൽ. റാങ്കിംഗിൽ ഇന്ത്യയേക്കാൾ 15 സ്ഥാനം മാത്രം മുന്നിലുള്ള ഒമാനെ കീഴടക്കാൻ കഴിഞ്ഞാൽ മാത്രമാണ് രണ്ടാം സ്ഥാനക്കാരായെങ്കിലും ഇന്ത്യക്ക് മുന്നേറാനുള്ള സാധ്യത.

Top