ന്യൂഡല്‍ഹി: പ്രവാസി ഇന്ത്യക്കാരുടെ ഇരട്ടനികുതി ഒഴിവാക്കുമെന്ന് പ്രഖ്യാപിച്ച് കേന്ദ്ര ധനമന്ത്രി നിര്‍മ്മല സീതാരാമന്‍. അതോടൊപ്പം, എന്‍.ആര്‍.ഐകള്‍ക്ക് ഒരംഗ കമ്പനി അഥവാ ഒ.പി.സി ഉണ്ടാക്കാമെന്നും മന്ത്രി പറഞ്ഞു.
സ്റ്റാര്‍ട്ടപ്പുകള്‍ക്കും പുതുമകള്‍ക്കും ഇത് ഗുണം ചെയ്യുമെന്നും നിര്‍മ്മല സീതാരാമന്‍ ബജറ്റ് പ്രസംഗത്തിനിടെ വ്യക്തമാക്കി. എന്‍.ആര്‍.ഐകള്‍ക്ക് ഒരംഗ കമ്പനികളെ സംയോജിപ്പിക്കുന്നതിന് പെയ്ഡ്- അപ് മൂലധനത്തിനും വിറ്റുവരവിനും യാതൊരു നിയന്ത്രണവുമുണ്ടാകില്ല എന്നും മന്ത്രി അറിയിച്ചു.
ഒരംഗ കമ്പനി ഉണ്ടാക്കുന്നതിനായുള്ള പ്രധാന നിബന്ധനകള്‍:
* എന്‍ആര്‍ഐകള്‍ക്ക് ഒരംഗ കമ്പനി ഉണ്ടാക്കാം. അത് സ്റ്റാര്‍ട്ടപ്പുകള്‍ക്കും പുതുമകള്‍ക്കും ഗുണം ചെയ്യും. ഒരംഗ കമ്പനികളെ സംയോജിപ്പിക്കുന്നതിന് പെയ്ഡ്- അപ് മൂലധനത്തിനും വിറ്റുവരവിനും യാതൊരു നിയന്ത്രണവുമില്ല.
* ഒരു വ്യക്തിയുടെ കമ്പനിയെ മറ്റേതെങ്കിലും തരത്തിലേക്ക് പരിവര്‍ത്തനം ചെയ്യുക, റെസിഡന്‍സി പരിധി 182 ദിവസത്തില്‍ നിന്ന് 120 ദിവസമായി കുറയ്ക്കുന്നു.
* ഇന്ത്യയില്‍ വ്യക്തിഗത കമ്പനികളെ സംയോജിപ്പിക്കാന്‍ എന്‍ആര്‍ഐകളെ അനുവദിക്കുക
