2019-08-22 03:21:26pm IST
ദോഹ: ആല്‍പ്‌സ് പര്‍വതനിരകളിലെ ഏറ്റവും ഉയര്‍ന്ന മലയായ മാറ്റർഹോൺ പർവതത്തെ കീഴ്‌പ്പെടുത്തി ഖത്തർ  പതാക. ഖത്തരി സാഹസികനായ ഫഹദ് ബദർ ദേശീയ പതാകയുമായി  പർവതത്തിന്റെ  മുകളിലെത്തിയത്.

സമുദ്രനിരപ്പില്‍ നിന്ന് 4478 മീറ്റര്‍ ഉയരമുള്ള മാറ്റര്‍ഹോണ്‍, ഇറ്റലിയുടെ അതിര്‍ത്തിപ്രദേശത്താണ് സ്ഥിതി ചെയ്യുന്നത്. മലകയറ്റക്കാരുടെ പറുദീസയാണ് ഇന്നിവിടം.മഞ്ഞുകാലത്ത് മലയോരങ്ങള്‍ സ്‌കീയിങ് വിദഗ്ധരാല്‍ നിറയും.

മാറ്റര്‍ഹോണിന്റെ താഴ് വാര ഗ്രാമമായ സെര്‍മാറ്റ് നയനമനോഹരമായ കാഴ്ചകളാല്‍ സമൃദ്ധമാണ്. ലോകോത്തര റിസോര്‍ട്ടുകളും ഭോജനശാലകളും വിനോദകേന്ദ്രങ്ങളും ഇവിടെ സജീവമാണ്. ശുദ്ധവായൂ നിലനിര്‍ത്താന്‍ മോട്ടോര്‍വാഹനങ്ങള്‍ക്ക് നിയന്ത്രണമുള്ള പ്രദേശമെന്ന പ്രത്യേകതയും സെര്‍മാറ്റിനുണ്ട്.
Top