2019-08-11 06:36:45pm IST
ന്യൂഡല്‍ഹി: അതി ശക്തമായ മഴയെത്തുടർന്ന്  ഗുജറാത്തിൽ അതിരൂക്ഷമായ പ്രളയമാണ് ഉണ്ടായിരിക്കുന്നത്.  കനത്ത മഴ മൂലമുണ്ടായ പ്രളയത്തെ തുടര്‍ന്ന്​ രക്ഷാപ്രവര്‍ത്തനങ്ങളും സജീവമാണ്​.  എപ്പോൾ രക്ഷാപ്രവർത്തനത്തിൽ  ഏർപ്പെട്ടിരുന്ന രു പൊലീസുകാരന്റെ  രക്ഷാപ്രവര്‍ത്തനത്തിന്റെ  വിഡിയോ ആളുക​ളുടെ ഹൃദയം കവരുകയാണ്. 

 രണ്ട്​ കുട്ടികളെ  തന്റെ  ഇരു ചുമലുകളിലുമായി ഇരുത്തി പ്രളയ ജലത്തിലൂടെ പൊലീസുകാരന്‍ നടന്നു വരുന്നതാണ്​ വിഡിയോയിലുള്ളത്​. അഹമ്മദാബാദില്‍ നിന്ന്​ 200 കിലോമീറ്റര്‍ അകലെ മോര്‍ബി ജില്ലയിലെ കല്യാണ്‍പര്‍ ഗ്രാമത്തിലാണ് സംഭവം. ഗുജറാത്ത് പൊലീസിലെ കോണ്‍സ്റ്റബിള്‍ പൃഥ്വിരാജ്​ സിന്‍ഹ്​ ജദേജയാണ് രണ്ടു കുട്ടികളെ തോളിലേറ്റി സുരക്ഷിത സ്ഥാനത്ത് എത്തിച്ചത്.
 
അരയ്ക്കു മുകളില്‍ ഉയര്‍ന്ന വെള്ളത്തിലൂടെ ഒന്നര കിലോമീറ്ററോളമാണ്​ പൊലീസുകാരന്‍ പ്രളയം കവര്‍ന്ന വീട്ടില്‍ നിന്ന്​ രക്ഷപ്പെടുത്തിയ കുട്ടികളെയുമെടുത്ത്​ നടന്നത്​. ഗുജറാത്ത് എ.ഡി.ജി.പി ഷംഷേര്‍ സിങ് ഈ വിഡിയോ ട്വിറ്ററില്‍ പങ്കുവെച്ചിട്ടുണ്ട്. 

മുന്‍ ഇന്ത്യന്‍ ക്രിക്കറ്റ്​ താരം വി.വി.എസ്​ ലക്ഷ്​മണ്‍ ഉള്‍പ്പെടെയുള്ളവരും പ്രിഥ്വിരാജിനെ പ്രശംസിച്ച്‌​ രംഗത്തു വന്നിട്ടുണ്ട്​.
പ്രള​യത്തെ തുടര്‍ന്ന്​ രക്ഷാപ്രവര്‍ത്തനങ്ങള്‍ ഗുജറാത്തില്‍ സജീവമാണ്​. നൂറു കണക്കിനാളുകളെ രക്ഷാപ്രവര്‍ത്തകര്‍ ഇതിനോടകം സുരക്ഷിത സ്ഥാനങ്ങളിലേക്ക് മാറ്റിയിട്ടുണ്ട്​.വിഡിയോ
Top