2019-07-29 01:14:48pm IST
ഹമദ് മെഡിക്കൽ കോർപറേഷന്റെ (എച്ച്എംസി)  യാത്രാ ക്ലിനിക് ഇനി മുതൽ ആഴ്ചയിൽ 3 ദിവസം പ്രവർത്തിക്കുമെന്ന് അധികൃതർ അറിയിച്ചു . 

 തിങ്കളാഴ്ച മാത്രമായിരുന്ന പ്രവർത്തനം  ഇനി ബുധൻ, വ്യാഴം ദിവസങ്ങളിൽ കൂടി  ലഭിക്കും. മധ്യവേനൽ അവധിയായതിനാൽ യാത്രക്കാരുടെ എണ്ണത്തിലെ വർധന കണക്കിലെടുത്താണ്  സേവന ദിവസങ്ങൾ വർധിപ്പിച്ചതെന്ന്  കേന്ദ്രം മെഡിക്കൽ ഡയറക്ടർ ഡോ.മുന അൽ മസലമണി പറഞ്ഞു.

എച്ച്എംസിയുടെ സാംക്രമിക രോഗ ചികിത്സാ കേന്ദ്രത്തിലാണ് യാത്രാ ക്ലിനിക് പ്രവർത്തിക്കുന്നത്. . ഈ വർഷം ആദ്യ പകുതിയിൽ 558 യാത്രക്കാരാണ് ക്ലിനിക്കിന്റെ സേവനം തേടിയത്.

രാജ്യത്തിന് പുറത്തേക്ക് യാത്ര പോകുന്നവർക്കുള്ള പ്രതിരോധ കുത്തിവയ്പുകളും മാർഗനിർദേശങ്ങളും  യാത്രാ സംബന്ധമായ രോഗങ്ങളുമായി മടങ്ങിയെത്തുന്നവർക്കുള്ള ചികിത്സയും ക്ലിനിക്കിൽ ലഭിക്കും. 

മുൻകൂട്ടി അനുമതിയുള്ളവർക്കാണ് ചികിത്സയും സേവനങ്ങളും. തിങ്കളാഴ്ച ഉച്ചയ്ക്ക് 12 മുതൽ 3 വരെ ബുധൻ, വ്യാഴം ദിവസങ്ങളിൽ രാവിലെ 8 മുതൽ ഉച്ചക്ക് 11 വരെയാണ് പ്രവർത്തന സമയം. മുൻകൂർ അനുമതിക്കായി രാവിലെ 7 മുതൽ രാത്രി 7 വരെ 40 25 40 03 എന്ന നമ്പറിൽ വിളിക്കാം.
Top