2019-08-29 02:22:26pm IST
ദോഹ: യൂറോപ്പിന്റെ ആകാശത്ത് പറന്ന് ഖത്തറിൽ നിന്നുള്ള ഹോട്ട് എയർ ബലൂൺ.ഖത്തറിലെ വ്യോമയാന വിദഗ്ധൻ ക്യാപ്റ്റൻ ഹസ്സൻ അൽമൗസാവിയുടെ  ഹോട്ട് എയർ ബലൂൺ അസ്ഫറിയാണ് യൂറോപ്പിലെ പാർക്കുകളിൽ പറന്നു  നടക്കുന്നത്‌.

ഓസ്വെസ്ട്രി ബലൂൺ കാർണിവലിൽ പങ്കെടുത്തു  ലണ്ടൻ സ്കൈലൈനിന് മുകളിലൂടെ പറക്കുന്ന 20 വർണ്ണാഭമായ ബലൂണുകളിൽ ഒന്നായിരുന്നു  ഖത്തറിലെ ആദ്യത്തെ ഹോട്ട് എയർ ബലൂൺ.

ഖത്തറിലെ താപനിലയിൽ വർധനവുണ്ടായപ്പോൾ  യൂറോപ്പിലെ നിരവധി പരിപാടികളിൽ പങ്കെടുക്കാൻ അസ്ഫറി ബലൂൺ സഞ്ചാരം  ആരംഭിച്ചു. ഓഗസ്റ്റ് ആദ്യ വാരത്തിൽ ഇറ്റലിയിൽ നടന്ന സാഗ്രാന്റിനോ ചലഞ്ച് കപ്പ് 2019 പതിപ്പിൽ അസ്ഫറി ബലൂൺ പങ്കെടുത്തിരുന്നു.ഒക്ടോബറിൽ ഖത്തറിലേക്ക് മടങ്ങുന്നതിന് മുമ്പ് വേറെ ഫെസ്റ്റിവലിൽ കൂടി പങ്കെടുക്കാൻ പദ്ധതിയിടുന്നുണ്ട്.

ഖത്തറിലെ ആദ്യത്തെ ഹോട്ട് എയർ ബലൂൺ അവതരിപ്പിച്ചതിൽ സന്തോഷമുണ്ടെന്നും ഖത്തർ ദേശീയ ടൂറിസം കൗൺസിൽ , , ഖത്തർ സായുധ സേന, ഖത്തർ എയർ സ്പോർട്സ് കമ്മിറ്റി, ഖത്തർ സിവിൽ ഏവിയേഷൻ അതോറിറ്റി എന്നിവർക്ക് നന്ദി പറയുന്നതായി അൽമൗസാവി വ്യക്തമാക്കി.


Top