2019-09-19 09:44:29am IST
ടെഹ്‌റാൻ : ന്യൂയോർക്കിൽ നടക്കുന്നു ഐക്യരാഷ്ട്ര സഭയുടെ  74-ാമത് സമ്മേളനത്തിൽ പങ്കെടുക്കുന്നത് ഇറാൻ  പ്രസിഡന്റ് ഹസ്സൻ റൂഹാനി ഒഴിവാകുമെന്ന് ദേശീയ മാധ്യമം റിപ്പോർട്ട്. റുഹാനിക്കും വിദേശകാര്യമന്ത്രി മുഹമ്മദ് ജവാദ് സരീഫിനും  യുഎസ് വിസ ലഭിക്കാത്ത സഹാചര്യത്തിലാണ്  ഇത്. 

എന്നാൽ വിസ  ലഭിച്ചാൽ സന്ദർശനം നടത്തുമെന്നും  സ്റ്റേറ്റ് മീഡിയ വ്യക്തമാക്കി. അറബ് മേഖലയിൽ  നിലനിൽക്കുന്ന സംഘർഷത്തിന്റെ സാഹചര്യത്തിലാണ് പുതിയ നീക്കം.  ഇറാന്റെ ആണവ പദ്ധതി യുള്ള   2015 ലെ അന്താരാഷ്ട്ര കരാർ യുഎസ് പ്രസിഡന്റ് ഡൊണാൾഡ് ട്രംപ് കഴിഞ്ഞ വർഷം ഉപേക്ഷിച്ചതു മുതൽ ദീർഘകാല യുഎസ്-ഇറാൻ ബന്ധം  വഷളായിരുന്നു.  

സൗദി എണ്ണ കേന്ദ്രങ്ങളിലെ ടാങ്കറുകൾക്ക് നേരെയുണ്ടായ ആക്രമണത്തെത്തുടർന്ന്  സംഘർഷം  രൂക്ഷമാകുകയും ചെയ്തു.കൂടാതെ വിദേശകാര്യമന്ത്രി മുഹമ്മദ് ജവാദ് സരീഫിനെ ജൂലൈ അവസാനം അമേരിക്ക  കരിമ്പട്ടികയിൽ പെടുത്തിയിരുന്നു.

193 അംഗ പൊതുസഭയുടെ ഉന്നതതല യോഗമാണ്  ന്യൂയോർക്കിൽ  നടക്കുന്നത്. 1947 യുഎൻ “ആസ്ഥാന ഉടമ്പടി” പ്രകാരം, വിദേശ നയതന്ത്രജ്ഞർക്ക് ഐക്യരാഷ്ട്രസഭ  പ്രവേശനം അനുവദിക്കാൻ യുണൈറ്റഡ് സ്റ്റേറ്റ്സിന്  കഴിയുമെന്നും എന്നാൽ സുരക്ഷ, തീവ്രവാദം, വിദേശനയം  എന്നീ കാരണങ്ങളാൽ വിസ നിരസിക്കാൻ കഴിയുമെന്നും  വാഷിംഗ്ടൺ പറയുന്നു.

Top