Breaking News
ഇൻഡിഗോ ദോഹയിൽ നിന്ന് ഇന്ത്യയിലേക്ക് പുതിയ സർവീസ് ആരംഭിക്കുന്നു | ദുബായിൽ ക്ലീനർ 8.4 ദശലക്ഷം ദിർഹം വിലമതിക്കുന്ന വാച്ചുകൾ മോഷ്ടിച്ചു | മകനെ അറസ്റ്റ് ചെയ്യാൻ വന്ന ദുബായ് പോലീസുകാരനെ അമ്മ കടിച്ചു | അൽ മോജ് മസ്കറ്റ് മാരത്തണിനായി 10, 000 പേർ ഒരുങ്ങി | ഉത്തര സിറിയയിൽ നിന്ന് കുഞ്ഞുങ്ങളടക്കം ഒരു ലക്ഷത്തോളം പേർ പലായനം ചെയ്യുന്നുവെന്ന് റിപ്പോർട്ട് | സിറിയയിലെ അലെപ്പോ രാജ്യാന്തര വിമാനത്താവളം പ്രവർത്തനം പുനരാരംഭിച്ചു | ഖത്തർ ഉപരോധം ഗൾഫിലെ മറ്റു രാഷ്ട്രങ്ങളെയും ബാധിച്ചു തുടങ്ങിയെന്ന് മന്ത്രി | ഖത്തറിൽ അനധികൃത മദ്യ വില്പന; രണ്ട്‌ ഏഷ്യൻ വംശജർ അറസ്റ്റിൽ | ബ്രിട്ടീഷ് എയർവെയ്സിൽ ഖത്തർ എയർവേയ്‌സ് നിക്ഷേപം വർധിപ്പിച്ചു | ദോഹ കേന്ദ്ര വികസന പദ്ധതി ഖത്തർ അമീർ സന്ദർശിച്ചു |
2019-08-05 02:56:07am IST
ടെഹ്റാൻ : പശ്ചിമേഷ്യയിലെ സംഘർഷത്തെ കൂടുതൽ ശക്തമാക്കികൊണ്ട് ഇറാന്റെ നീക്കം വീണ്ടും. മറ്റൊരു രാജ്യത്തിൻറെ  എണ്ണക്കപ്പൽ പിടിച്ചെടുത്ത ഇറാൻ 7 ജീവനക്കാരെ അറസ്റ്റ് ചെയ്തു.ഒരു മാസത്തിനിടെ അവർ പിടിച്ചെടുക്കുന്ന മൂന്നാമത്തെ കപ്പലാണിത്.

ഫാർസി ദ്വീപിനു സമീപം 31 നാണ് 7 ലക്ഷം ലീറ്റർ എണ്ണയുമായി കപ്പൽ പിടിച്ചെടുത്തത്. അറസ്റ്റിലായ ജീവനക്കാർ ഏതു രാജ്യക്കാരാണെന്നു വ്യക്തമല്ല. പിടിച്ചെടുത്തത് ഇറാഖിന്റെ എണ്ണക്കപ്പലാണെന്ന് ഇറാൻ വ്യക്തമാക്കി . എന്നാൽ, ഇറാൻ പിടിച്ചെടുത്ത കപ്പൽ തങ്ങളുടേതല്ലെന്ന് രാത്രി വൈകി ഇറാഖ് പ്രതികരിച്ചു.

ജിബ്രാൾട്ടറിൽ ഇറാന്റെ എണ്ണക്കപ്പൽ ബ്രിട്ടൻ പിടികൂടിയതിനു ശേഷമാണു മേഖലയിൽ സംഘർഷം രൂക്ഷമായത്. പ്രതികാരമായി ജൂലൈ 19ന് ബ്രിട്ടനിൽ റജിസ്റ്റർ ചെയ്ത എണ്ണക്കപ്പലായ സ്റ്റെന ഇംപറോ ഇറാൻ പിടിച്ചെടുത്തു.പാനമയുടെ എം.ടി.റിയ എന്ന എണ്ണക്കപ്പലും ഇറാൻ പിടികൂടി. ബ്രിട്ടനും ഇറാനും പിടികൂടിയ 2 കപ്പലുകളിലായി 6 മലയാളികൾ ഉൾപ്പെടെ 30 ഇന്ത്യക്കാർ കുടുങ്ങിയിരുന്നു.

റിയയിലെ 12 ഇന്ത്യക്കാരിൽ 9 പേരെ വിട്ടയച്ചെങ്കിലും സ്റ്റെനയിലെ 18 പേരുടെ കാര്യത്തിൽ ഇനിയും തീരുമാനമായിട്ടില്ല. അതിനിടെ, ഇറാന്റെ യുദ്ധവിമാനം ഹോർമുസ് കടലിടുക്കിനു സമീപം തകർന്നുവീണു. 
Top