2019-11-10 10:51:47am IST

ശനിയാഴ്ച നടന്ന സംഭവത്തിൽ മലയാളി  നേഴ്സ് മേഴ്‌സി മരിക്കുകയും 5ഓളം പേർക്ക് പരിക്കേൽക്കുകയും ചെയ്തു.കെ.ഒ.സി.ആശുപത്രിയിൽ കെ.ആർ.എച്ച് കമ്പനിയുടെ ആശുപത്രിക്ക്  കീഴിലാണ് മേഴ്‌സി ജോലി ചെയുന്നത്.

ശനിയാഴ്ച രാത്രി ഒമ്പത് മണിയോടെ സിക്സ്ത് റിംഗ് റോഡിനും അഹമ്മദി റോഡിനും ഇടയിലാണു അപകടം നടന്നത്. ഇടിയുടെ ആഘാതത്തിൽ പുറത്തേക്ക് തെറിച്ച മേഴ്സി വാഹനത്തിന്റെ പിൻഭാഗത്തുള്ള ചക്രത്തിനടിയിൽ കുടുങ്ങുകയായിരുന്നുവെന്ന് ദൃക്സാക്ഷികൾ അറിയിച്ചു.

ആശുപത്രി വാഹനം നേഴ്സ് മാരെ കൊണ്ട് പോവുകയായിരുന്നു. പരിക്കേറ്റ മറ്റു നഴ്സുമാരെ അദാൻ ആശുപത്രിയിൽ പ്രവേശിപ്പിച്ചിട്ടുണ്ട്. ഇവരുടെ പരിക്കുകൾ ഗുരുതരമല്ല. അബ്ബാസിയയിലാണു മേഴ്സി താമസിച്ചിരുന്നത്. ഭർത്താവ് ബിജു കുവൈത്തിലുണ്ട്. ഒരു മകൻ നാട്ടിലാണ് . മറ്റു വിവരങ്ങൾ ലഭ്യമല്ല.

Top