Breaking News
അയോധ്യ കേസ്; അഞ്ചേക്കറില്‍ മസ്ജിദ്, ആശുപത്രി, ഗവേഷണ കേന്ദ്രം പണിയുമെന്ന് സുന്നി സെന്‍ട്രല്‍ വഖഫ് ബോര്‍ഡ് | ഖത്തറിലെ വെട്ടുക്കിളി കൂട്ടത്തെക്കുറിച്ച് പരിഭ്രാന്തരാകേണ്ടതില്ലെന്ന് വിദഗ്ദ്ധന്‍ | ചേലാകര്‍മ്മം; ഈജിപ്തില്‍ 12 വയസുകാരി കൊല്ലപ്പെട്ടു, മാതാപിതാക്കളും ഡോക്ടറും അറസ്റ്റില്‍ | ഗള്‍ഫിലും ഏഷ്യന്‍ രാജ്യങ്ങളിലേക്കും കൊറോണ വൈറസ് വ്യാപിക്കുന്നു; ഇറാന്റെ അതിര്‍ത്തിയടച്ചു | ഖത്തറുമായി ഒളിമ്പിക്സിന് ആതിഥേയത്വം വഹിച്ച അനുഭവം പങ്കുവെയ്ക്കാനൊരുങ്ങി ജപ്പാൻ | ഡല്‍ഹിയില്‍ ക്രമസമാധാനം പുനസ്ഥാപിക്കണമെന്ന് അമിത് ഷായോട് അരവിന്ദ് കെജ്രിവാള്‍ | പൊതു സേവനങ്ങള്‍ക്കായി ഖത്തര്‍ വിദ്യാഭ്യാസ മന്ത്രാലയം ഏകീകൃത ഓണ്‍ലൈന്‍ പോര്‍ട്ടല്‍ ആരംഭിച്ചു | ആണവ കരാറുമായി യൂറോപ്യന്‍ യൂണിയന്‍ സഹകരിക്കണമെന്ന് ഇറാന്‍ വിദേശകാര്യ മന്ത്രി | ആരോഗ്യ നഗരം പദ്ധതി: ഖത്തർ പൊതുജനാരോഗ്യ മന്ത്രി ചർച്ച ചെയ്തു | ഉപേക്ഷിക്കപ്പെട്ട ബോട്ടുകൾ നീക്കം ചെയ്യുന്നതിനായി അൽ വക്ര നഗരസഭയിൽ ക്യാംപെയ്ൻ |
2019-07-14 12:01:02pm IST
ദോഹ : ഖത്തർ ആഭ്യന്തര മന്ത്രാലയത്തിന് ജിയോഗ്രഫിക് ഇൻഫർമേഷൻ മേഖലയിലെ മികവിന് (ജിഐഎസ്) രംഗത്തെ പ്രമുഖരായ യുഎസ് കമ്പനി എസ്‌റിയിൽ നിന്ന് പ്രത്യേക സാഗ് പുരസ്‌കാരം. അത്യാധുനിക സാങ്കേതിക വിദ്യയിൽ പ്രവർത്തിക്കുന്ന മന്ത്രാലയത്തിന്റെ സുരക്ഷാ സംവിധാനമായ നജ്മിനാണ് ബഹുമതി.  
 
ജിയോഗ്രഫിക് ഇൻഫർമേഷൻ രംഗത്തെ പ്രധാന പുരസ്‌കാരങ്ങളിലൊന്നാണിത്. യുഎസിലെ സാന്തിയാഗോയിൽ നടന്ന എസ്‌റി സമ്മേളനത്തിൽ നാഷനൽ കമാൻഡ് സെന്റർ സാങ്കേതിക കാര്യ വിഭാഗം ഡയറക്ടർ ആരിഫ് ഹസൻ ഇബ്രാഹിം, എസ്‌റി സിഇഒ ജാക് ഡാൻജർമോണ്ടിൽ നിന്ന് പുരസ്കരം ഏറ്റുവാങ്ങി. 136 രാജ്യങ്ങളിൽ നിന്നുള്ള 25,000ത്തിലധികം പേരാണ് സമ്മേളനത്തിൽ പങ്കെടുത്തത്.  336  ആഗോള കമ്പനികളും സ്ഥാപനങ്ങളും പങ്കെടുത്തു.  

 മന്ത്രാലയത്തിന്റെ ഏറ്റവും അത്യാധുനികമായ സുരക്ഷാ പദ്ധതികളിലൊന്നാണ് നജ്മ്. രാജ്യത്തുടനീളമുള്ള പട്രോൾ സംഘങ്ങൾക്ക് നാഷനൽ കമാൻഡ് സെന്ററിലെ സെൻട്രൽ ഓപ്പറേഷൻസ് വകുപ്പിൽ നിന്നു ദ്രുതഗതിയിൽ വിവരങ്ങൾ കൈമാറി സുരക്ഷ ഉറപ്പാക്കുകയാണ്  ലക്ഷ്യം.

മന്ത്രാലയത്തിലെ മുഴുവൻ വകുപ്പുകളുമായി ബന്ധിപ്പിച്ചുകൊണ്ടാണ് പ്രവർത്തനം. അടിയന്തര സാഹചര്യങ്ങളിൽ വേഗത്തിൽ പ്രതികരിക്കാനും കുറ്റകൃതൃ തോത് കുറക്കാനും നജ്മ് സഹായകമാണ്.
Top