Breaking News
ഇൻഡിഗോ ദോഹയിൽ നിന്ന് ഇന്ത്യയിലേക്ക് പുതിയ സർവീസ് ആരംഭിക്കുന്നു | ദുബായിൽ ക്ലീനർ 8.4 ദശലക്ഷം ദിർഹം വിലമതിക്കുന്ന വാച്ചുകൾ മോഷ്ടിച്ചു | മകനെ അറസ്റ്റ് ചെയ്യാൻ വന്ന ദുബായ് പോലീസുകാരനെ അമ്മ കടിച്ചു | അൽ മോജ് മസ്കറ്റ് മാരത്തണിനായി 10, 000 പേർ ഒരുങ്ങി | ഉത്തര സിറിയയിൽ നിന്ന് കുഞ്ഞുങ്ങളടക്കം ഒരു ലക്ഷത്തോളം പേർ പലായനം ചെയ്യുന്നുവെന്ന് റിപ്പോർട്ട് | സിറിയയിലെ അലെപ്പോ രാജ്യാന്തര വിമാനത്താവളം പ്രവർത്തനം പുനരാരംഭിച്ചു | ഖത്തർ ഉപരോധം ഗൾഫിലെ മറ്റു രാഷ്ട്രങ്ങളെയും ബാധിച്ചു തുടങ്ങിയെന്ന് മന്ത്രി | ഖത്തറിൽ അനധികൃത മദ്യ വില്പന; രണ്ട്‌ ഏഷ്യൻ വംശജർ അറസ്റ്റിൽ | ബ്രിട്ടീഷ് എയർവെയ്സിൽ ഖത്തർ എയർവേയ്‌സ് നിക്ഷേപം വർധിപ്പിച്ചു | ദോഹ കേന്ദ്ര വികസന പദ്ധതി ഖത്തർ അമീർ സന്ദർശിച്ചു |
2019-06-27 08:58:00am IST
 ദോഹ: രാജ്യത്ത് അപകടരഹിത വേനൽ   ക്യാമ്പയിൻ ആരംഭിച്ചു ഖത്തർ ഗതാഗത മന്ത്രാലയം. കഴിഞ്ഞ വര്ഷങ്ങളിലെ  ക്യാംപെയ്ന്റെ ഫലമായി ഗതാഗത ലംഘനങ്ങളിൽ ഗണ്യമായ കുറവുണ്ടെന്ന് ഗതാഗത ജനറൽ ഡയറക്ടറേറ്റ് അധികൃതർ അറിയിച്ചു.

നിയമം പാലിച്ചു വാഹനമോടിക്കുന്നവരുടെ എണ്ണം വർധിച്ചതിനെക്കുറിച്ച്  ഗതാഗത ബോധവൽകരണ വകുപ്പ് ഡയറക്ടർ കേണൽ മുഹമ്മദ് റാഥി അൽ ഹജിരി വാർത്താസമ്മേളനത്തിൽ വ്യക്തമാക്കി. ഗതാഗത വകുപ്പുകളുടെയും മാധ്യമങ്ങളുടെയും സഹകരണത്തിലാണു ക്യാംപെയ്ൻ നടത്തുക.

ഇത്തവണത്തെ അപകടരഹിത വേനൽ ക്യാംപെയ്ൻ ജൂലൈ 1 മുതൽ ഓഗസ്റ്റ് 1 വരെയാണ് നടത്തുന്നത് . സുരക്ഷിതമായ ഡ്രൈവിങ്, ഗതാഗത മുൻകരുതലുകൾ എന്നിവയെക്കുറിച്ചെല്ലാം ബോധവൽകരണം നടത്തും. ഗതാഗത പട്രോൾ വകുപ്പ്, പബ്ലിക് റിലേഷൻസ് വകുപ്പ് എന്നിവയുടെ സഹകരണത്തിൽ ഫീൽഡ് ബോധവൽകരണമാണ് കൂടുതലും നടത്തുക.

ദോഹ നഗരത്തിന് അകത്തും പുറത്തുമുള്ള യുവ ഡ്രൈവർമാരെ ലക്ഷ്യമിട്ടാണു പദ്ധതി. ലഘുലേഖകളും വിതരണം ചെയ്യും. ദുഖാൻ ഉൾപ്പെടെയുള്ള പ്രദേശങ്ങളിലും റോഡുകൾ, വാണിജ്യ ചന്തകൾ, നിരത്തുകൾ എന്നിവിടങ്ങളിലെല്ലാമുള്ള ഡ്രൈവർമാരെ കേന്ദ്രീകരിച്ചാണ് പ്രവർത്തനം.


Top