Breaking News
ഒമാനിലും ഇതാദ്യമായി കൊറോണ വൈറസ് ബാധ സ്ഥിതീകരിച്ചു | ജോർദാനിലെ പതിനായിരം യുവാക്കൾക്ക് തൊഴിൽ നൽകുമെന്ന് ഖത്തർ അമീർ | അയോധ്യ കേസ്; അഞ്ചേക്കറില്‍ മസ്ജിദ്, ആശുപത്രി, ഗവേഷണ കേന്ദ്രം പണിയുമെന്ന് സുന്നി സെന്‍ട്രല്‍ വഖഫ് ബോര്‍ഡ് | ഖത്തറിലെ വെട്ടുക്കിളി കൂട്ടത്തെക്കുറിച്ച് പരിഭ്രാന്തരാകേണ്ടതില്ലെന്ന് വിദഗ്ദ്ധന്‍ | ചേലാകര്‍മ്മം; ഈജിപ്തില്‍ 12 വയസുകാരി കൊല്ലപ്പെട്ടു, മാതാപിതാക്കളും ഡോക്ടറും അറസ്റ്റില്‍ | ഗള്‍ഫിലും ഏഷ്യന്‍ രാജ്യങ്ങളിലേക്കും കൊറോണ വൈറസ് വ്യാപിക്കുന്നു; ഇറാന്റെ അതിര്‍ത്തിയടച്ചു | ഖത്തറുമായി ഒളിമ്പിക്സിന് ആതിഥേയത്വം വഹിച്ച അനുഭവം പങ്കുവെയ്ക്കാനൊരുങ്ങി ജപ്പാൻ | ഡല്‍ഹിയില്‍ ക്രമസമാധാനം പുനസ്ഥാപിക്കണമെന്ന് അമിത് ഷായോട് അരവിന്ദ് കെജ്രിവാള്‍ | പൊതു സേവനങ്ങള്‍ക്കായി ഖത്തര്‍ വിദ്യാഭ്യാസ മന്ത്രാലയം ഏകീകൃത ഓണ്‍ലൈന്‍ പോര്‍ട്ടല്‍ ആരംഭിച്ചു | ആണവ കരാറുമായി യൂറോപ്യന്‍ യൂണിയന്‍ സഹകരിക്കണമെന്ന് ഇറാന്‍ വിദേശകാര്യ മന്ത്രി |
2019-07-22 04:02:27am IST
ദോഹ: ട്രാഫിക് നിയമലംഘനങ്ങൾ നടത്തുന്ന  കാൽനടയാത്രക്കാർക്ക് മേൽ പിഴ ഇടക്കാനൊരുങ്ങി ഖത്തർ ആഭ്യന്തര മന്ത്രാലയം.ആഗസ്ത് ആദ്യം മുതൽ കുറ്റകൃത്യത്തിന്റെ തരം അനുസരിച്ച് പിഴ ഈടാക്കുമെന്നാണ് അധികൃതർ അറിയിച്ചിരിക്കുന്നത്.

ജനറൽ ട്രാഫിക് ഡയറക്ടറേറ്റിന്റെ ആസ്ഥാനത്ത് നടന്ന “കാൽനടയാത്രക്കാരുടെ അവകാശങ്ങളും ഉത്തരവാദിത്തങ്ങളും” എന്ന സെമിനാറിലാണ് അധികൃതർ ഇക്കാര്യം അറിയിച്ചത്.ട്രാഫിക് നിയമപ്രകാരം മൂന്ന് തരത്തിലുള്ള പിഴകൾ ഉണ്ടാകും. 

1. ക്യാരേജ് വേയുടെ നടുവിലൂടെ നടക്കുക അല്ലെങ്കിൽ സൈഡ് വേ ഉപയോഗിക്കാതിരിക്കുകയോ ചെയ്താൽ 100 ഖത്തർ റിയാൽ പിഴ ഈടാക്കും 
.
2. കാൽനടയാത്രക്കാർ ആവശ്യമായ മുൻകരുതലുകൾ എടുക്കുന്നില്ലെങ്കിലോ റോഡ് മുറിച്ചുകടക്കാൻ നിയുക്ത ക്രോസിംഗ് ഏരിയകൾ ഉപയോഗിക്കുന്നില്ലെങ്കിലോ 200 ഖത്തർ റിയാൽ ആയിരിക്കും പിഴ.

3.റോഡ് മുറിച്ചുകടക്കുമ്പോൾ കാൽനടയാത്രക്കാർ ട്രാഫിക് സിഗ്നലുകൾ പാലിക്കാത്ത സാഹചര്യത്തിലും 500 ഖത്തർ റിയൽ പിഴ ഈടാക്കും.സൈനിക പരേഡുകളും ഘോഷയാത്രകളും മുറിച്ചു കടക്കാൻ ശ്രമിച്ചാലും പിഴ ഈടാക്കും.

സെമിനാറിൽ ട്രാഫിക് അസിസ്റ്റന്റ് ഡയറക്ടർ ജനറൽ കേണൽ നാസർ ഡർമാൻ അൽ ഹാജേരി, ട്രാഫിക് ബോധവൽക്കരണ വിഭാഗം അസിസ്റ്റന്റ് ഡയറക്ടർ ലഫ്റ്റനന്റ് കേണൽ ജാബർ മുഹമ്മദ് ഒഡീബ എന്നിവർ പങ്കെടുത്തു.

നിയമം പ്രാബല്യത്തിൽ വരുമ്പോൾ കാൽനടയാത്രക്കാരിൽ നിന്ന് പിഴ എങ്ങനെ ശേഖരിക്കും എന്നതുപോലുള്ള കൂടുതൽ വിവരങ്ങൾ പിന്നീട് പ്രഖ്യാപിക്കുമെന്നും ഐഡി കാർഡിലൂടെ ഇത് നടപ്പാക്കുമെന്നും അധികൃതർ അറിയിച്ചു. 
Top