2019-07-31 10:11:24am IST
ദോഹ ഹമദ് മെഡിക്കൽ കോർപറേഷന് കീഴിലെ പുതിയ വാഹന പാർക്കിംഗ് നിരക്കുകൾ താങ്ങാവുന്നതല്ലെന്ന് ജനങ്ങളെ ഉദ്ധരിച്ചു പ്രാദേശിക പത്രം റിപ്പോർട് ചെയ്തു . 

നിലവിൽ ദോഹ ഹമദ് ആശുപത്രി, ഹൃദ്രോഗ ആശുപത്രി, റുമൈല ആശുപത്രി എന്നിവടങ്ങളിൽ ഹമദ് അധികൃതർ പാർക്കിംഗ് നിയന്ത്രണം കഴിഞ്ഞ കുറച്ചു ദിവസങ്ങളിലായി സ്വകാര്യ കമ്പനിയെയാണ് ഏൽപ്പിച്ചിരിക്കുന്നത്. 

മൂന്നു മണിക്കൂറിന് പതിനഞ്ച് റിയാലാണ് അധികൃതർ പാർക്കിംഗ് ഫീസ് ഇനത്തിൽ വാങ്ങികൊണ്ടിരിക്കുന്നത്. ഇതല്പം കൂടുതലാണെന്നും ഹമദ് അധിർകൃതർ ആശുപത്രിയിൽ എത്തുന്ന സാധാരണ രോഗികളെ പരിഗണിച്ചു കൊണ്ട് ഫീസ് വർദ്ധനവ് പിൻവലിക്കാൻ തയ്യാറാവണമെന്നും പ്രാദേശിക പത്രം ആവശ്യപ്പെട്ടു.

 ഹമദ് കോർപറേഷന്റെ രാജ്യത്തെ മറ്റ് ആശുപത്രികളിലും ഈ നിരക്ക് ബാധകമാവാൻ നീക്കങ്ങൾ നടക്കുന്നുണ്ടെന്നിരിക്കെ ഇത് പുനഃപരിശോധിക്കാനുള്ള   നടപടികൾ ആവശ്യമാണെന്നും പത്രം ചൂണ്ടിക്കാട്ടുന്നുണ്ട്. 
Top