2019-07-30 07:46:35am IST

ഖത്തറിലെ യാത്രക്കാരുടെ ഏറെ നാളത്തെ ആവശ്യമായിരുന്ന ദോഹ മെട്രോയെ ഹമദ് അന്തരാഷ്ട്ര വിമാനത്താവളവുമായി ബന്ധിപ്പിക്കുന്ന പദ്ധതി ഉടൻ നിലവിൽ വരുമെന്ന് പ്രാദേശിക പത്രം റിപ്പോർട് ചെയ്തു.

ദോഹ മെട്രോയുടെ റെഡ് ലൈൻ വികസിപ്പിച്ചു കൊണ്ട് ഹമദ് വിമാനത്താവളത്തെ ബന്ധിപ്പിക്കാനാണ് പദ്ധതി തയ്യാറാക്കുന്നത്. അതെ സമയം ഇക്കാര്യത്തിൽ റെയിൽ അധികൃതരുടെ ഭാഗത്തു നിന്ന് ആവശ്യമായ സ്ഥിതീകരണമുണ്ടായിട്ടില്ല.

ഹമദ് വിമാനത്താവളത്തിൽ നിന്ന് അടുത്തുള്ള മത്താർ ഖദീം സ്റ്റേഷനിൽ എത്തിച്ചേരാൻ വെറും പത്ത് മിനിട്ടു കൊണ്ട് പദ്ധതി സാക്ഷാത്കരിച്ചാൽ സാധിക്കുമെന്നാണ് നിരീക്ഷിക്കപെടുന്നത്.

വിമാനത്താവളം യാത്രികരുടെ ലഗേജുകളുടെ കാര്യത്തിൽ മെട്രോ ട്രെയിനുകളിൽ പ്രത്യേക സജ്ജീകരണങ്ങൾ ഏർപെടുത്തുന്നതടക്കമുള്ള കാര്യങ്ങൾ അധികൃതർ തീരുമാനിച്ചു വരികയാണ് എന്നും റിപ്പോർട്ടിൽ പറയുന്നുണ്ട്. 

Top