Breaking News
രാഷ്ട്രപതി ഭവന് സമീപം ഡ്രോണ്‍ പറത്തി ; രണ്ടുപേര്‍ അറസ്റ്റില്‍ | ഖത്തറിൽ വരുന്നു മലയാളികളുടെ ‘കോ​​ളോ’ ടാക്സി | സൗദി ഹൂതി ആക്രമണം : ആഗോള തലത്തില്‍ എണ്ണ വില കുതിക്കുന്നു | ഖത്തറിലെ മൽസ്യ വില നിയന്ത്രണത്തിലെ സർക്കാർ തീരുമാനങ്ങൾ പിൻവലിക്കണമെന്ന് ഉപഭോക്താക്കൾ | അറബ് മേഖലയിലെ ഏറ്റവും മികച്ച സമ്പത് വ്യവസ്ഥ : ഖത്തർ ഒന്നാമത് | കാൻസറിന്‌ കാരണമാകുന്നു ; ഖത്തറിലെ ഫാർമസികളിൽ നിന്ന് ' ( ZANTAC )' കെമിക്കൽ പിൻവലിക്കും | റാ​​​സ്​ അ​​​ൽ നൂ​​​ഫ്, തി​​​ൻ​​​ബാ​​​ക് ഇന്റർചെയ്ഞ്ചുകൾ ആഷ്ഗാൽ ഗ​​​താ​​​ഗ​​​ത​​​ത്തി​​​നാ​​​യി തു​​​റ​​​ന്നു​​കൊ​​​ടു​​​ത്തു | ട്രംപുമായുള്ള കൂടിക്കാഴ്ചക്ക് സൗകര്യമില്ലെന്ന് ഇറാൻ | മലയാളിയെ ഒമാനില്‍ തൂങ്ങിമരിച്ച നിലയില്‍ കണ്ടെത്തി | ആന്ധ്രപ്രദേശ് മുന്‍ സ്പീക്കര്‍ ശിവപ്രസാദ റാവു ആത്മഹത്യ ചെയ്ത നിലയില്‍ |
ദോഹ:രാജ്യത്തിന്റെ പ്രാദേശിക കവിതകളുടെ ഉന്നമനം ലക്ഷ്യമിട്ട് ഖത്തർ ദേശീയ ദിനാഘോഷങ്ങളിൽ ഇനി മുതൽ പ്രത്യേക കവിതാ പരിപാടികളും നടക്കും. പ്രാദേശിക കവിതകൾക്കായി 'ദിവാൻ അൽ അദാം' പ്രത്യേക പരിപാടി ദേശീയദിന സംഘാടക കമ്മിറ്റിയാണ് ആരംഭിച്ചത്.
കായിക സാംസ്‌കാരിക മന്ത്രി സലേഹ് ബിൻ ഗാനിം അൽ അലിയുടെ രക്ഷാകർതൃത്വത്തിലാണ് ദേശീയ ദിനാഘോഷങ്ങളിലേക്ക് പുതിയ കവിതാ പരിപാടികൾ ആരംഭിച്ചത്. പ്രാദേശിക അറബിക് കവിതകളെ പ്രോത്സാഹിപ്പിക്കുന്നതിനൊപ്പം വിഖ്യാത കവികളെ ദോഹയിലേക്ക് ആകർഷിക്കാനും ദിവാൻ അൽ അദാം ലക്ഷ്യമിടുന്നു.

ദിവാൻ അൽ അദാമിൽ സ്വദേശികൾക്ക് മാത്രമല്ല ഖത്തറിന്റെ പ്രാദേശിക കവിതകളിൽ പ്രാവീണ്യമുള്ള ഖത്തർ ഐഡിയുള്ള പ്രവാസി കവികൾക്കും മത്സരത്തിൽ പങ്കെടുക്കാം. 4 ഘട്ടമായാണ് മത്സരം. കവിതാ രചനയിൽ നൂതന ആശയങ്ങൾ പ്രോത്സാഹിപ്പിക്കുക, കവികൾക്കിടയിൽ ആരോഗ്യകരമായ മത്സരം സൃഷ്ടിക്കൽ, യുവ തലമുറയുടെ കാവ്യാത്മക കഴിവുകൾ വളർത്തുക തുടങ്ങിയ ഉദ്ദേശ്യങ്ങളോടെ വിഭിന്നങ്ങളായ കവിതാ പ്രമേയങ്ങളാണ് മത്സരത്തിലുള്ളത്. 

മത്സരങ്ങളിലേക്കുള്ള റജിസ്‌ട്രേഷൻ ഓഗസ്റ്റ് 10ന് തുടങ്ങും. സെപ്റ്റംബർ അവസാനം വരെയാണ് സമയപരിധി. ഒക്‌ടോബർ മധ്യത്തോടെ യോഗ്യതാ റൗണ്ട് തുടങ്ങും. നവംബർ അവസാനത്തിലാണ് മത്സരത്തിന്റെ അന്തിമ ഘട്ടം. മത്സരത്തിൽ ആദ്യ 5 വിജയികൾക്ക് പുത്തൻ മോഡൽ ആഡംബര കാറുകളാണ് സമ്മാനം. 
Top