News Desk

2020-02-14 06:57:39 pm IST
ദോഹ : കൊറോണ വൈറസ് ബാധിച്ച ചൈനയിലേക്ക് മരുന്നെത്തിക്കുന്ന ഒരേയൊരു വിമാന കമ്പനി ഖത്തർ എയർവേയ്‌സ് എയർവേയ്‌സ് മാത്രമെന്ന് റിപ്പോർട്. അമേരിക്കൻ ആഗോള വെബ്സൈറ്റായ യാഹുവാണ് ഇതുമായി ബന്ധപ്പെട്ട റിപ്പോർട് പുറത്തു വിട്ടത്. 

നിലവിൽ ചൈനയിലേക്ക് ഖത്തർ എയർവൈസ് വിമാനങ്ങൾ മാത്രമാണ് സൗജന്യമായി മരുന്നെത്തിക്കുന്നത്. മറ്റു വികസിത രാഷ്ട്രങ്ങൾ ഇക്കാര്യത്തിൽ പിന്നിലോട്ട് മാറിയപ്പോൾ ഖത്തറിന്റെ മനുഷ്യ സ്നേഹം ഇതോടെ പ്രകടമാവുകയാണ്. 

ചൈനയിലെ ഖത്തർ എംബസി ഇക്കാര്യത്തിൽ പ്രവർത്തനങ്ങൾ ഏകോപിപ്പിക്കുന്നുണ്ട്. ഷാങ്ങ്ഹായ്, ഗുവാൻസോഗ്, മക്കാവു, ഹോംഗ് കോങ്ങ് തുടങ്ങിയ ഗേറ്റ്‌വേകളിലൂടെയാണ് ഖത്തർ എയർവേയ്‌സ് ചൈനയിലേക്ക് മരുന്നുകൾ എത്തിക്കുന്നത്. 

ഫെബ്രുവരി രണ്ടിന് ഖത്തർ എയർവേയ്‌സ് ഒരു ലക്ഷം മാസ്കുകളും 27000 റബ്ബർ ഗ്ലോവുകളും ചൈനയിലേക്ക് എത്തിച്ചു. നിലവിലുള്ള  കണക്കുകൾ പ്രകാരം ഖത്തർ എയർവേയ്‌സ് 700 കിലോഗ്രാം മെഡിക്കൽ സാമഗ്രികൾ ചൈനയിലേക്ക് എത്തിച്ചിട്ടുണ്ട്.  

Top