Breaking News
സ്പോൺസറില്ലാതെ നി​​ക്ഷേ​​പ​​ക​​ർ​​ക്ക്​​ താ​​മ​​സാ​​നു​​മ​​തി, പു​​തി​​യ നി​​യ​​മം | സൗദിയുടെ എണ്ണപ്പാടങ്ങളില്‍ വീണ്ടും ആക്രമണം നടത്തുമെന്ന് ഹൂതി വിമതര്‍ | അരാംകോ ; എണ്ണലഭ്യത ഉറപ്പാക്കാൻ ഒരുക്കമാണെന്ന് യു.എ.ഇ. | ഹോങ്കോങ്ങിൽ പ്രക്ഷോഭം ശക്തമാകുന്നു; കോൺസുലേറ്റിലേക്ക് നടത്തിയ മാർച്ച് അക്രമാസക്തമായി | ഖത്തർ - ഇന്ത്യ ഊർജ മേഖലയിലെ വ്യാപാര ബന്ധം ഇരട്ടിയാക്കുന്നു  | അധികാര തുടര്‍ച്ച ലക്ഷ്യമിട്ട് നെതന്യാഹു : ഇസ്രയേലില്‍ ഇന്ന് പൊതുതെരഞ്ഞെടുപ്പ് | സക്കീര്‍ നായിക്കിനെ ഇന്ത്യക്കു കൈമാറണമെന്ന് മോദി ആവശ്യപ്പെട്ടില്ല: മലേഷ്യന്‍ പ്രധാനമന്ത്രി | രാഷ്ട്രപതി ഭവന് സമീപം ഡ്രോണ്‍ പറത്തി ; രണ്ടുപേര്‍ അറസ്റ്റില്‍ | ഖത്തറിൽ വരുന്നു മലയാളികളുടെ ‘കോ​​ളോ’ ടാക്സി | സൗദി ഹൂതി ആക്രമണം : ആഗോള തലത്തില്‍ എണ്ണ വില കുതിക്കുന്നു |

ദോഹ: ഖത്തറിൽ നിന്നും  കൊച്ചി അന്താരാഷ്ട്ര വിമാനത്താവളത്തിലേക്കും  തിരിച്ചുമുള്ള വിമാന സര്‍വീസുകള്‍ പതിനൊന്നാം തിയതി വരെ നിര്‍ത്തിവെച്ചതായി വിവിധ വിമാനക്കമ്പനികള്‍  അറിയിച്ചു.എയര്‍ ഇന്ത്യാ എക്സ്പ്രസിന്‍റെ കൊച്ചി സര്‍വീസുകള്‍ തിരുവനന്തപുരത്തേക്ക് തിരിച്ചുവിടും.

ഖത്തര്‍ എയര്‍വേയ്സ്, ഇന്‍ഡിഗോ എയര്‍ലൈന്‍സ്, എയര്‍ ഇന്ത്യാ എക്സ്പ്രസ് തുടങ്ങി വിമാനക്കമ്പനികളാണ് പതിനൊന്ന് ഞായര്‍ വരെ നെടുമ്പാശ്ശേരിയിലേക്കുള്ള മുഴുവന്‍ സര്‍വീസുകളും നിര്‍ത്തിവെച്ചത്. 

കേരളത്തിലെ ശക്തമായ മഴയെത്തുടർന്ന് വിമാനത്താവളത്തിന്‍റെ പ്രവ‍ര്‍ത്തനം തടസ്സപ്പെട്ടതിനാലാണിതെന്ന് വിവിധ വിമാനക്കമ്പനികള്‍ വ്യക്തമാക്കി.

ടിക്കറ്റെടുത്ത യാത്രക്കാര്‍ ഖത്തര്‍ എയര്‍വേയ്സിന്‍റെ 40230000 എന്ന നമ്പറിലുള്ള 24 മണിക്കൂര്‍ കോള്‍സെന്‍ററുമായി ബന്ധപ്പെടണമെന്ന് ഖത്തര്‍ എയര്‍വേയ്സ് ഔദ്യോഗിക വെബ്സൈറ്റിലൂടെ അറിയിച്ചു.

ഓഗസ്റ്റ് 9 മുതല്‍ പതിനൊന്ന് വരെ ടിക്കറ്റെടുത്ത ഇന്‍ഡിഗോ എയര്‍ലൈന്‍സ് യാത്രക്കാര്‍ക്ക് ടിക്കറ്റ് കാന്‍സല്‍ ചെയ്യുകയോ മറ്റൊരു ദിവസത്തേക്ക് മാറ്റിവെക്കുകയോ ചെയ്യാമെന്ന് കമ്പനി അധികൃതര്‍ അറിയിച്ചു. ഇതിന് പ്രത്യേക ചാര്‍ജ്ജ് ഈടാക്കുന്നതല്ല.

Top