Breaking News
അരാംകോ ആക്രമണം : ഉത്തരവാദികള്‍ പ്രത്യാഘാതം നേരിടേണ്ടി വരുമെന്ന് ... | 'പ്ലാസ്റ്റിക് രഹിത ചൊവ്വാഴ്ച ' ഖത്തറിൽ പുതിയ കാമ്പയിൻ ആരംഭിച്ചു | സൗദി ആരോഗ്യ മന്ത്രാലയത്തിനു കീഴിലുള്ള ആശുപത്രികളിലേക്ക് നഴ്‌സുമാരെ തെരഞ്ഞെടുക്കുന്നു | മുഖാവരണം ധരിക്കണമെന്ന നിയമം വടക്കുപടിഞ്ഞാറന്‍ പാകിസ്ഥാനില്‍ റദ്ദാക്കി | ദോഹ മെട്രോ ഷോപ്പുകൾ വാടകക്കെടുക്കാനുള്ള രെജിസ്ട്രേഷൻ തിയതി നീട്ടി | നിലപാട് കടുപ്പിക്കുന്നു ; അമേരിക്കയുമായി ഒരു ചര്‍ച്ചക്കും ഇനിയില്ലെന്ന് ഇറാന്‍ | വിപണിയിലുണ്ടായ എണ്ണ വിതരണത്തിലെ കുറവ് നികത്തിയതായി സൗദി ഊര്‍ജ്ജ മന്ത്രി | നെതന്യാഹു വാഴുമോ ? ഇസ്രായേല്‍ തെരഞ്ഞെടുപ്പ് ഫലം ഇന്നറിയാം | ഖത്തറിലെ ചില ഡ്രൈവർ വളരെ മോശമായാണ് വാഹനമോടിക്കുന്നതെന്ന് പ്രാദേശിക പത്രം | സൗദിയിൽ തടവിലായ ഖത്തരി പൗരന്മാരുമായി ഉടൻ തന്നെ ആശയവിനിമയം നടത്തുമെന്ന് ഖത്തർ |

ദോഹ:സിദ്ര മെഡിസിനിൽ ഖത്തർ വിഷ ചികിൽസ കേന്ദ്രത്തിന്റെ സേവനം 24 മണിക്കൂറാക്കിയെന്ന് അധികൃതർ അറിയിച്ചു. നിലവിൽ ആഴ്ചയിൽ 7 ദിവസവും രാവിലെ 9 മുതൽ പുലർച്ചെ 1 വരെയാണ് കേന്ദ്രത്തിന്റെ സേവനം. വിഷബാധയേൽക്കുന്നവർക്ക് ഫോണിലൂടെ അടിയന്തര മാർഗനിർദേശങ്ങൾ നൽകുക മാത്രമാണ് കേന്ദ്രത്തിന്റെ സേവനം. ഇംഗ്ലിഷിലും അറബിക്കിലും സേവനം ലഭ്യമാണ്.    

സേവനം 24 മണിക്കൂറാക്കാൻ കഴിയുമെന്നാണ് പ്രതീക്ഷിക്കുന്നതെന്ന് വിഷചികിത്സാ കേന്ദ്രം മെഡിക്കൽ ഡയറക്ടർ ഡോ.ആർ.ജെ.ഹോഫ്മാൻ. വിഷബാധ പ്രതിരോധിക്കാൻ വിദ്യാഭ്യാസ പരിപാടികൾ ഉൾപ്പെടെയുള്ള ബോധവൽക്കരണം പൊതുജനങ്ങൾക്കിടയിൽ ശക്തമാക്കും. 2018 ൽ പ്രവർത്തനം ആരംഭിച്ച ഖത്തർ വിഷചികിത്സാ കേന്ദ്രത്തിന്റെ സേവനത്തിലൂടെ എമർജൻസി വകുപ്പുകളിലേക്കുള്ള ജനങ്ങളുടെ അനാവശ്യ സന്ദർശനം കുറയ്ക്കാൻ കഴിഞ്ഞിട്ടുണ്ട്. 

വിഷബാധയേറ്റാൽ ഉടൻ തന്നെ 4003 1111 എന്ന ഹോട്ട്‌ലൈൻ നമ്പറിൽ കേന്ദ്രത്തിന്റെ സേവനം തേടാം. വിഷബാധയേൽക്കുന്ന ഒരാൾക്ക് അത് തരണം ചെയ്യാൻ ആവശ്യമായ അടിയന്തര മാർഗനിർദേശങ്ങളാണ് കേന്ദ്രം നൽകുന്നത്.  ഡോക്ടറെ കാണേണ്ട ആവശ്യമുണ്ടോ അല്ലെങ്കിൽ ആശുപത്രിയിലേക്ക് വരാതെ വീട്ടിലിരുന്ന് നിരീക്ഷിക്കുന്നത് സുരക്ഷിതമാണോ തുടങ്ങിയ കാര്യങ്ങളെക്കുറിച്ചാണ് കേന്ദ്രം മാർഗനിർദേശം നൽകുന്നത്.  

Top