Breaking News
ലോക അത്ലറ്റിക് ചാംപ്യന്‍ഷിപ്പിനുള്ള ഒരുക്കങ്ങള്‍ അമീര്‍ വിലയിരുത്തി | ഉരീദുവിന്റെ പേരില്‍ ചിലര്‍ തട്ടിപ്പ് നടത്താന്‍ ശ്രമിക്കുന്നുണ്ടെന്ന് മുന്നറിയിപ്പ് | അന്താരാഷ്ട്ര നാവിക സുരക്ഷാ സഖ്യത്തില്‍ സൗദി അറേബ്യയും | ഇന്ത്യൻ ഇസ്ലാമിക് സ്മാരകങ്ങളുടെ പ്രദർശനം കത്താറയിൽ | എണ്ണകേന്ദ്ര ആക്രമണം : യു.എസ് വിദേശകാര്യ സെക്രട്ടറി മൈക്ക്‌ പോംപിയോ ജിദ്ദയിൽ | എണ്ണകേന്ദ്ര ആക്രമണം: തെളിവുകളുമായി സൗദി, പങ്കില്ലെന്ന്  ഇറാൻ . . . | ഗുണനിലവാരമുള്ള വിദ്യാഭ്യാസത്തിന് സുസ്ഥിരമായ ഭാവി ഉറപ്പാക്കാൻ കഴിയും: ഷെയ്‌ഖ മോസ | യുഎസ് വിസ ലഭിച്ചില്ലെങ്കിൽ യുഎൻ സമ്മേളനം ഒഴിവാക്കാൻ റൂഹാനി : സ്റ്റേറ്റ് മീഡിയ | അമീറിന്റെ സന്ദർശനം ഖത്തർ-ഫ്രാൻസ് ബന്ധം ശക്തിപ്പെടുത്തും | ഔദ്യോദിക സന്ദർശനത്തിനായി ഖത്തർ അമീർ പാരീസിലെത്തി |

ദോഹ : സുരക്ഷിത  ലോക നഗരങ്ങളിൽ ദോഹ രണ്ടാം സ്ഥാനത്ത്. കുറ്റകൃത്യങ്ങൾ ഏറ്റവും കുറവുള്ള നഗരങ്ങളിലും വ്യക്തിഗത സുരക്ഷ ഏറ്റവും കൂടുതലുള്ള നഗരങ്ങളിലും രണ്ടാം സ്ഥാനം ദോഹയ്ക്കു തന്നെ. ജീവിത നിലവാരവും കുറ്റകൃത്യ നിരക്കുകളും സംബന്ധിച്ച നംബിയോ ആഗോള സമാധാന സൂചികയിലാണിത്. 13.11 മാത്രമാണ് ദോഹയിലെ കുറ്റകൃത്യ സൂചിക.

സുരക്ഷാ സൂചിക 86.89. കേരളത്തിലെ കൊച്ചി ഉൾപ്പെടെ 338 നഗരങ്ങളാണു സൂചികയിൽ പരിഗണിച്ചിട്ടുള്ളത്.  സുരക്ഷിത നഗരങ്ങളുടെ രാജ്യാന്തര പട്ടികയിൽ കൊച്ചി 85ാം സ്ഥാനത്താണ്. സുരക്ഷാ സൂചിക: 66.50, കുറ്റകൃത്യ സൂചിക: 33.50. ഗൾഫ് നഗരങ്ങളിൽ സുരക്ഷിതത്വത്തിന്റെ കാര്യത്തിൽ ഒന്നാം സ്ഥാനം യുഎഇയിലെ അബുദാബിക്കാണ്.  

നംബിയോ സൂചിക പ്രകാരം പ്രവാസികൾക്ക് ഏറ്റവും ചെലവേറിയ നഗരങ്ങളുടെ പട്ടികയിൽ ഗൾഫ് സഹകരണ മേഖലാ രാജ്യങ്ങളിൽ ദോഹ ഒന്നാം സ്ഥാനത്താണ്. പശ്ചിമേഷ്യയിൽ അഞ്ചാം സ്ഥാനവും. ഉയർന്ന വാടക നിരക്ക്, പലവ്യഞ്ജന വില, വർധിച്ച യാത്രാ, വിദ്യാഭ്യാസ ചെലവുകൾ എന്നിവയാണ് ഖത്തറിനെ പ്രവാസികൾക്ക് ചെലവേറിയ നഗരമാക്കി മാറ്റുന്നത്.

ഖത്തറിലെ ജീവിത സൂചിക 62.81 ആണ്. എന്നാൽ ആളുകളുടെ ക്രയശേഷി സൂചിക:139.76. ചെലവേറിയ ആദ്യ 4 പശ്ചിമേഷ്യൻ നഗരങ്ങളും ഇസ്രയേലിലേതാണ്. അമേരിക്കൻ നഗരമായ ന്യൂയോർക്കിനെ അടിസ്ഥാനമാക്കിയാണ് ലോക നഗരങ്ങളിലെ ജീവിതച്ചെലവ് സൂചിക തയാറാക്കുന്നത്. 8,404 ലോക നഗരങ്ങളിൽ നിന്നായി 3,57,697 പേരിൽ നിന്നു വിവരങ്ങൾ ശേഖരിച്ചാണ് ഇത്തവണ നംബിയോ അർധവാർഷിക റിപ്പോർട്ട് തയാറാക്കിയത്. 

Top