2019-08-14 10:36:57am IST

യൂറോപ്യൻ രാഷ്ട്രങ്ങളിലേക്കുള്ള പ്രകൃതി വാതക കയറ്റുമതിയിൽ ഖത്തറിന് ഒന്നാം സ്ഥാനമെന്ന് റിപ്പോർട്. 19 . 1 ബില്യൺ ക്യബ്ബിക് മീറ്ററാണ് യൂറോപ്യൻ രാഷ്ട്രങ്ങളിലേക്ക് ഖത്തർ ഈ വര്ഷം കയറ്റുമതി ചെയ്ത പ്രകൃതി വാതകത്തിന്റെ അളവ്. അൾജീരിയ, നൈജീരിയ, അമേരിക്ക എന്നീ രാഷ്ട്രങ്ങളെയാണ് ഖത്തർ ഇക്കാര്യത്തിൽ ഈ വര്ഷം പിന്നിലാക്കിയത്.

ഈ മേഖലയിൽ പ്രവർത്തിക്കുന്ന ഗവേഷണ സ്ഥാപനമായ എസ് ആൻഡ് പീ ഗ്ലോബൽ പ്ലാറ്റ്‌സ് എന്ന സംഘടനയാണ് ഇതുമായി ബന്ധപ്പെട്ട ഏറ്റവും പുതിയ റിപ്പോർട് പുറത്തിറക്കിയിരിക്കുന്നത്.

ബ്രിട്ടനിലേക്കാണ് ഖത്തർ ഏറ്റവും അധികം പ്രകൃതി വാതകം കയറ്റുമതി ചെയ്തിരിക്കുന്നത്. 5 .8 ബില്യൺ ക്യബ്ബിക് മീറ്റർ പ്രകൃതിവാതകമാണ് ഖത്തർ യു കെയിലേക്ക് കയറ്റുമതി ചെയ്തുകൊണ്ടിരിക്കുന്നത് എന്നാണ് റിപ്പോർട്ടുകൾ വ്യക്തമാക്കുന്നത്. 


Top