2019-08-28 06:39:34am IST
സൗദിയിൽ അറസ്റ്റിലായ രണ്ട് ഖത്തരി പൗരന്മാരുടെ വീഡിയോ ദൃശ്യങ്ങൾ പുറത്തായി. ഖത്തർ പൗരന്മാരായ എഴുപത്തിരണ്ട് വയസ്സുള്ള അലി നാസർ അൽ ജാറുള്ള അദ്ദേഹത്തിന്റെ പുത്രൻ പതിനേഴു കാരനായ അബ്ദുൽ ഹാദി എന്നിവരുടെ വീഡിയോ ദൃശ്യങ്ങളാണ് സൗദി അധികൃതരുടെ അനുവാദത്തോടെ ഇന്റർനെറ്റിൽ ലീക്ക് ചെയ്യപ്പെട്ടിരിക്കുന്നത് എന്നാണ് വിവരം.

 അതെ സമയം ഖത്തരി പൗരന്മാർ ആശുപത്രിയിൽ ചികിത്സയിലാണെന്ന അന്തരീക്ഷം സൃഷ്ടിക്കാനാണ് വീഡിയോയിൽ കൃതൃമ ശ്രമം നടന്നിരിക്കുന്നത്. ഖത്തരി പൗരന്മാർ അറസ്റ്റ് ചെയ്യപ്പെട്ടതല്ലെന്ന് വരുത്തി തീർക്കാനാണ് സൗദി അധികൃതരുടെ ശ്രമം. വീഡിയോ

അതെ സമയം വീഡിയോ ഷൂട്ട് ചെയ്തിരിക്കുന്ന മുറികളുടെ അന്തരീക്ഷം ഒരു ഹോസ്പിറ്റലിന്റെതല്ലെന്നും കൃത്യമായി പോലീസ് അധികൃതരുടെ ചോദ്യമുറി പോലെ തോന്നിക്കുന്നതാണെന്നും വീഡിയോ സന്ദേശത്തെ കുറിച്ച് പ്രാദേശിക പത്രം ചൂണ്ടിക്കാട്ടി. കൃത്യമായും നാടകീയത നിറഞ്ഞു നിൽക്കുന്ന വീഡിയോ ഖത്തരി പൗരന്മാരെ ഭീഷണി പെടുത്തി എടുത്തതാണെന്ന കാര്യവും വ്യക്തമാണെന്നും പ്രാദേശിക പത്രം ചൂണ്ടിക്കാട്ടി.   
Top