News Desk

2021-03-22 08:02:37 pm IST
അബുദാബി: യു.എ.ഇയില്‍ നിന്ന് മുംബൈയിലേക്ക് യാത്ര ചെയ്യുന്നവരെ നിര്‍ബന്ധിത ഇന്‍സ്റ്റിറ്റിയൂഷണല്‍ ക്വാറന്റൈനില്‍ നിന്ന് ഒഴിവാക്കിയതായി റിപ്പോര്‍ട്ട്. രണ്ട് ഡോസ് വാക്സിനുകള്‍ സ്വീകരിച്ച യാത്രക്കാര്‍ക്കാണ് ഇന്‍സ്റ്റിറ്റിയൂഷണല്‍ ക്വാറന്റൈനില്‍ നിന്നും ഇളവുള്ളത്.

ക്വാറന്റൈന്‍ ഇളവുമായി ബന്ധപ്പെട്ട് ഗ്രേറ്റര്‍ മുംബൈയുടെ മുനിസിപ്പല്‍ കോര്‍പറേഷനിലെ അഡീഷണല്‍ മുനിസിപ്പല്‍ കമ്മീഷണര്‍ പുറത്തുവിട്ട സര്‍ക്കുലറിലാണ് ഇക്കാര്യം വ്യക്തമാക്കുന്നത്.

യുകെ, യൂറോപ്പ്, മിഡില്‍ ഈസ്റ്റ്, ദക്ഷിണാഫ്രിക്ക, ബ്രസീല്‍ എന്നീ രാജ്യങ്ങളില്‍ നിന്നോ അല്ലെങ്കില്‍ ഇവിടങ്ങള്‍ വഴിയോ വരുന്ന യാത്രക്കാര്‍ക്ക് ഏഴ് ദിവസം നിര്‍ബന്ധിത ഇന്‍സ്റ്റിറ്റിയൂഷണല്‍ ക്വാറന്റൈന്‍, മുംബൈയില്‍ എത്തി ഏഴ് ദിവസം ഹോം ക്വാറന്റൈന്‍ എന്നിവയാണ് നിലവിലുള്ള ക്വാറന്റൈന്‍ വ്യവസ്ഥകള്‍.

പുതിയ നിബന്ധനകള്‍ ഇവയാണ്:

* സര്‍ജറി ആവശ്യത്തിനോ ഗുരുതരാവസ്ഥയിലോ വരുന്ന മെഡിക്കല്‍ പ്രൊഫഷണലുകളെ ക്വാറന്റൈനില്‍ നിന്ന് ഒഴിവാക്കി. ഇക്കാര്യങ്ങള്‍ പരിഗണിച്ച്, ചില വിഭാഗം യാത്രക്കാരെ ഇന്‍സ്റ്റിറ്റിയൂഷണല്‍ ക്വാറന്റൈനില്‍ നിന്നും ഒഴിവാക്കി.

* രണ്ട് വാക്സിന്‍ ഡോസുകള്‍ സ്വീകരിച്ചവര്‍ക്ക് രണ്ട് വാക്സിനേഷന്‍ സര്‍ട്ടിഫിക്കറ്റുകളും സമര്‍പ്പിക്കേണ്ട ആവശ്യമില്ല. സ്വന്തം കൈപ്പടയിലുള്ള സര്‍ട്ടിഫിക്കറ്റ് സമര്‍പ്പിച്ചാല്‍ മതി.

* വിമാനത്താവളത്തില്‍ ഇളവ് പ്രക്രിയ ബി.എം.സി സ്വന്തമായി നടത്തുന്നുണ്ട്. മാത്രമല്ല, വിമാനത്താവളത്തിലെ ബി.എം.സി എക്സംപ്ഷന്‍ കൗണ്ടറുകളില്‍ സെല്‍ഫ്- ഡിക്ലറേഷന്‍ ലഭ്യമാകുമെന്നും അധികൃതര്‍ അറിയിച്ചു.

*  65 വയസ്സിന് മുകളില്‍ പ്രായമുള്ള യാത്രക്കാരും ഗര്‍ഭിണികളും അഞ്ച് വയസ്സിന് താഴെ പ്രായമുള്ള കുട്ടികളുടെ ഒപ്പം യാത്ര ചെയ്യുന്ന മാതാപിതാക്കളും ഇന്‍സ്റ്റിറ്റിയൂഷണല്‍ ക്വാറന്റൈനില്‍ നിന്നും ഒഴിവാകും.

* കാന്‍സര്‍, ശാരീരിക വൈകല്യം, മാനസിക വൈകല്യം, സെറിബ്രല്‍ പാള്‍സി തുടങ്ങിയ അടിയന്തിര വൈദ്യസഹായം ആവശ്യപ്പെടുന്നതും വൈദ്യസഹായം തേടേണ്ടതുമായവര്‍ക്ക് സമര്‍പ്പിക്കേണ്ട രേഖകളില്‍ നിന്നും ഒഴിവാകും.

* അച്ഛന്‍, അമ്മ, മകന്‍, മകള്‍ എന്നിവര്‍ ഗുരുതരാവസ്ഥയില്‍ അല്ലെങ്കില്‍ ബന്ധപ്പെട്ടവര്‍ക്ക് മരണം സംഭവിച്ചിട്ടുണ്ടെങ്കില്‍ വിമാനത്താവള ജീവനക്കാരെ ബോധ്യപ്പെടുത്താന്‍ തക്ക രേഖകള്‍ മാത്രം ഹാജരാക്കിയാല്‍ മതി.

* ശസ്ത്രക്രിയയ്ക്കോ ഗുരുതരമായ അവസ്ഥയിലുള്ള രോഗികളെ അഡ്മിറ്റ് ചെയ്യേണ്ടതോ ആയ ആവശ്യങ്ങള്‍ക്ക് ആ മെഡിക്കല്‍ പ്രൊഫഷണലുകള്‍ ആശുപത്രിയില്‍ നിന്നുള്ള മതിയായ രേഖകള്‍ ഹാജരാക്കണം. ഇവര്‍ ഇന്‍സ്റ്റിറ്റിയൂഷണല്‍ ക്വാറന്റൈനില്‍ നിന്ന് ഒഴിവാകും.


കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക
Top