2019-08-14 10:45:39am IST
യെമൻ വിഷയത്തിൽ സൗദിയും അബൂദബിയും തമ്മിൽ ഇടയുന്നതായി പ്രമുഖ അറബ് പത്രം റിപ്പോർട് ചെയ്തു. അബുദാബിയുടെ അധിനിവേശ മോഹങ്ങൾക്ക് സൗദിയെ ബലിയാടുക്കുകയിരുന്നെന്നും യെമനിൽ ആവശ്യമായ ഭീമമായ സാമ്പത്തിക ചിലവുകൾ ഇരു രാഷ്ട്രങ്ങളുടെയും സ്വസ്ഥത തകർത്തെന്നും റിപ്പോർട്ടിൽ പറയുന്നുണ്ട്.

യെമനിലെ ആഭ്യന്തര യുദ്ധത്തിൽ കൈകടത്താനുള്ള നീക്കം പൂർണമായും അബുദാബിയുടെ തലയിൽ ഉദിച്ചതാണെന്നും ഇതിൽ സൗദിയെ വലിച്ചിഴച്ചതാണെന്നും സൗദിക്ക് മുറുമുറുപ്പുണ്ട്. യെമനിൽ നാല് വർഷത്തോളമായി തുടരുന്ന യുദ്ധത്തിലൂടെ ഹൂതികളുടെ അപ്രീതിയും നിരന്തരമുള്ള റോക്കറ്റ് ആക്രമണവും മാത്രമാണ് സൗദി ഏറ്റു വാങ്ങികൊണ്ടിരിക്കുന്നത്.

സൗദിയിലെ അബഹ വിമാനത്താവളത്തെ ലക്ഷ്യമാക്കി പ്രതിമാസം ഹൂതികൾ തൊടുത്തുവിടുന്ന മിസൈലുകളുടെ എണ്ണം വർധിച്ചെന്നും ഇതിൽ സൗദി അബൂദബിയോട് പ്രതിഷേധം അറിയിച്ചെന്നും റിപ്പോർട്ടിൽ ചൂണ്ടിക്കാട്ടി. 


Top