Breaking News
ഇൻഡിഗോ ദോഹയിൽ നിന്ന് ഇന്ത്യയിലേക്ക് പുതിയ സർവീസ് ആരംഭിക്കുന്നു | ദുബായിൽ ക്ലീനർ 8.4 ദശലക്ഷം ദിർഹം വിലമതിക്കുന്ന വാച്ചുകൾ മോഷ്ടിച്ചു | മകനെ അറസ്റ്റ് ചെയ്യാൻ വന്ന ദുബായ് പോലീസുകാരനെ അമ്മ കടിച്ചു | അൽ മോജ് മസ്കറ്റ് മാരത്തണിനായി 10, 000 പേർ ഒരുങ്ങി | ഉത്തര സിറിയയിൽ നിന്ന് കുഞ്ഞുങ്ങളടക്കം ഒരു ലക്ഷത്തോളം പേർ പലായനം ചെയ്യുന്നുവെന്ന് റിപ്പോർട്ട് | സിറിയയിലെ അലെപ്പോ രാജ്യാന്തര വിമാനത്താവളം പ്രവർത്തനം പുനരാരംഭിച്ചു | ഖത്തർ ഉപരോധം ഗൾഫിലെ മറ്റു രാഷ്ട്രങ്ങളെയും ബാധിച്ചു തുടങ്ങിയെന്ന് മന്ത്രി | ഖത്തറിൽ അനധികൃത മദ്യ വില്പന; രണ്ട്‌ ഏഷ്യൻ വംശജർ അറസ്റ്റിൽ | ബ്രിട്ടീഷ് എയർവെയ്സിൽ ഖത്തർ എയർവേയ്‌സ് നിക്ഷേപം വർധിപ്പിച്ചു | ദോഹ കേന്ദ്ര വികസന പദ്ധതി ഖത്തർ അമീർ സന്ദർശിച്ചു |
2019-08-28 08:30:38am IST
സൗദി അറേബ്യയിൽ  മാധ്യമ രംഗത്തേക്ക് വനിതകള്‍ക്ക്കടന്നുവരാന്‍ കൂടുതല്‍  അവസരങ്ങൾ  നല്‍കാന്‍ സര്‍ക്കാര്‍ തീരുമാനിച്ചു  വനിതാ ശാക്തീകരണ മേഖലയില്‍ സൗദി അറേബ്യ നടത്തുന്ന പുതിയ ചുവടുവെപ്പാണിത്.

വനിതകള്‍ക്കു മാത്രമുള്ള സ്ഥലങ്ങളില്‍ സ്ഥാപനങ്ങള്‍ നടത്തുന്നതിനാണ് വനിതാ മാധ്യമ പ്രവര്‍ത്തകര്‍ക്ക് ഇതുവരെ അനുമതിയുണ്ടായിരുന്നത്. സുപ്രീം മീഡിയ കമ്മിറ്റി സമര്‍പ്പിച്ച ശുപാര്‍ശയുടെ അടിസ്ഥാനത്തില്‍ ജനറല്‍ കമ്മീഷന്‍ ഫോര്‍ ഓഡിയോവിഷ്വല്‍ മീഡിയയും സാംസ്‌കാരിക, ഇന്‍ഫര്‍മേഷന്‍ മന്ത്രാലയവും ആഭ്യന്തര മന്ത്രാലയവുമായി ചേര്‍ന്നാണ് പുതിയ തീരുമാനം നടപ്പാക്കുന്നത് .  
 
മീഡിയ ലൈസന്‍സ് ലഭിക്കുന്നതിന് അപേക്ഷകരുടെ പ്രായം 25 ല്‍ കുറവാകാന്‍ പാടില്ലെന്ന് വ്യവസ്ഥയുണ്ട്. അപേക്ഷകര്‍ സ്വദേശികളോ , ഗള്‍ഫ് പൗരന്മാരോ രാജ്യത്ത് നിക്ഷേപം നടത്തുന്നതിന് ലൈസന്‍സ് ലഭിച്ച വിദേശ നിക്ഷേപകരോ ആയിരിക്കണം.

സൗദിയില്‍ വനിതാ ശാക്തീകരണ മേഖലയില്‍ നിരവധി സുപ്രധാന തീരുമാനങ്ങള്‍ അടുത്ത കാലത്ത് പ്രഖ്യാപിച്ച്‌ നടപ്പാക്കിയിട്ടുണ്ട്.സൗദി അറേബ്യയുടെ ചരിത്രത്തില്‍ ആദ്യമായാണ് വിദ്യാഭ്യാസ മന്ത്രാലയത്തിന്റെ ഔദ്യോഗിക വക്താവായി ഇബ്തിസാം ബിന്‍ത് ഹസന്‍ അല്‍ശഹ്‌രിയെന്ന വനിതയെ വിഭ്യാഭ്യാസ മന്ത്രി കഴിഞ്ഞ ദിവസം നിയമിച്ചത് . 

സൗദി വനതികള്‍ക്കുള്ള ഡ്രൈവിംഗ് അനുമതി, നഗരസഭാ തെരഞ്ഞെടുപ്പുകളില്‍ മത്സരിക്കുന്നതിന് വനിതകള്‍ക്കുള്ള അനുമതി, ശൂറാ കൗണ്‍സില്‍ അംഗങ്ങളായി വനിതകളെ നിയമിക്കല്‍, സൗദി വിമാന കമ്ബനികളില്‍ കോ-പൈലറ്റുമാരായും എയര്‍ ഹോസ്റ്റസുമാരായും സൗദി യുവതികളെ നിയമിക്കുന്നതിനുള്ള തീരുമാനം തുടങ്ങി വനിതാ ശാക്തീകരണ മേഖലയില്‍ നിരവധി സുപ്രധാന ചുവടുവെപ്പുകള്‍ സമീപ കാലത്ത് സൗദി അറേബ്യ നടത്തിയിട്ടുണ്ട്. 

ഏറ്റവും ഒടുവില്‍ 21 – വയസ്സില്‍ കൂടുതല്‍ പ്രായമുള്ള സൗദി വനിതകള്‍ക്ക് പുരുഷ രക്ഷാകര്‍ത്താക്കളുടെ അനുമതി കൂടാതെ വിദേശ യാത്ര നടത്തുന്നതിനും പാസ്‌പോര്‍ട്ട് നേടുന്നതിനും അനുവദിക്കുന്നതിനുള്ള നിയന്ത്രണവും എടുത്തുകളഞ്ഞിട്ടുണ്ട്.   
Top