News Desk

2021-04-29 06:12:32 pm IST
ദോഹ: രാജ്യത്ത് കൊവിഡ് പ്രോട്ടോകോള്‍ പാലിക്കാതെ ക്വറന്റൈന്‍ നിയമങ്ങള്‍ ലംഘിച്ചതിന് ആറു പേരെ കൂടി അറസ്റ്റ് ചെയ്തു. ആഭ്യന്തര മന്ത്രാലയമാണ് ഇക്കാര്യം അറിയിച്ചിരിക്കുന്നത്. ഇവരുടെ പേര് വിവരങ്ങള്‍ അധികൃതര്‍ പ്രസിദ്ധീകരിച്ചു. 

ഖത്തറില്‍ കൊവിഡ് നിയമ ലംഘനങ്ങള്‍ തുടര്‍ കഥയാവുന്നതില്‍ അധികൃതര്‍ അസംതൃപ്തി രേഖപ്പെടുത്തി. വരും ദിവസങ്ങളില്‍ ഇതുമായി ബന്ധപ്പെട്ട് കൂടുതല്‍ നിരീക്ഷണങ്ങള്‍ ശക്തമാക്കാന്‍ സര്‍ക്കാര്‍ തീരുമാനിച്ചിട്ടുണ്ട്. 

പിടിക്കപെടുന്നവരെ നിയമപരമായി ശിക്ഷാ നടപടികള്‍ക്ക് വിധേയമാക്കും. ഖത്തര്‍ സര്‍ക്കാര്‍ ഏര്‍പ്പെടുത്തിയ കൊവിഡ് നിയമ ലഘൂകരണങ്ങള്‍ ചില കേന്ദ്രങ്ങള്‍ ദുരുപയോഗം ചെയ്യുന്നതാണ് പ്രശ്‌നങ്ങള്‍ക്ക് കാരണമെന്നും ആഭ്യന്തര മന്ത്രാലയം ട്വിറ്ററില്‍ കുറിച്ചു.

കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്‌സ്ആപ്പ്  ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക



Top