2019-07-29 11:08:21am IST

ഖത്തറിലെ ചില ടാക്സി കാറുകൾ റോഡ് നിയമങ്ങൾ തീരെ പരിഗണിക്കുന്നേയില്ലെന്ന് പ്രാദേശിക പത്രം കുറ്റപ്പെടുത്തി. ടാക്സി കറുകളുമായി ബന്ധപ്പെട്ട നിയമ ലംഘനങ്ങൾ വർധിച്ചു വരുന്നത് അധികൃതർക്ക് തലവേദനയുണ്ടാക്കുന്നുണ്ട്. പാർക്കിംഗ് നിരോധിച്ച സ്ഥലങ്ങളിൽ പോലും ആളുകളെ കയറ്റാൻ വേണ്ടി പൊടുന്നനെ ഇത്തരം ടാക്‌സികൾ നിർത്തിയിടേണ്ടി വരുന്നത് മറ്റുള്ള വാഹനങ്ങൾക്ക്   ബുദ്ധിമുട്ടുണ്ടാക്കുന്നുണ്ട്.

ഇത്തരത്തിൽ ആളുകളെ പെറുക്കിയെടുത്തു ഓടുന്നത് രാജ്യത്ത് നിരോധിച്ചതാണെങ്കിലും കർവാ കമ്പനിയടക്കമുള്ള ടാക്സി കമ്പനികൾ ഇത്തരം കാര്യങ്ങൾ പരിഗണിക്കുന്നേയില്ല. ടാക്സി കാറുകളിൽ മൊബൈൽ ഫോൺ ഉപയോഗത്തെ കുറിച്ച് ഉപഭോക്താക്കൾ നിരവധി തവണ പരാതികൾ ഉന്നയിക്കാറുണ്ടെങ്കിലും അവ വാക്ക് തർക്കങ്ങളിൽ കലാശിക്കാറാണ് പതിവ്.

വഴിയിൽ കാണുന്ന യാത്രക്കാരെ തിരഞ്ഞെടുക്കാൻ വാഹനങ്ങൾ അമിത വേഗതയിൽ ഓടിച്ചു കൊണ്ട് അപകടങ്ങൾ ഉണ്ടാക്കുന്നത് രാജ്യത്തെ പതിവ് കാഴ്ചയാണെന്നും റിപ്പോർട്ടിൽ പറയുന്നുണ്ട്.  

Top