Breaking News
ലോക അത്ലറ്റിക് ചാംപ്യന്‍ഷിപ്പിനുള്ള ഒരുക്കങ്ങള്‍ അമീര്‍ വിലയിരുത്തി | ഉരീദുവിന്റെ പേരില്‍ ചിലര്‍ തട്ടിപ്പ് നടത്താന്‍ ശ്രമിക്കുന്നുണ്ടെന്ന് മുന്നറിയിപ്പ് | അന്താരാഷ്ട്ര നാവിക സുരക്ഷാ സഖ്യത്തില്‍ സൗദി അറേബ്യയും | ഇന്ത്യൻ ഇസ്ലാമിക് സ്മാരകങ്ങളുടെ പ്രദർശനം കത്താറയിൽ | എണ്ണകേന്ദ്ര ആക്രമണം : യു.എസ് വിദേശകാര്യ സെക്രട്ടറി മൈക്ക്‌ പോംപിയോ ജിദ്ദയിൽ | എണ്ണകേന്ദ്ര ആക്രമണം: തെളിവുകളുമായി സൗദി, പങ്കില്ലെന്ന്  ഇറാൻ . . . | ഗുണനിലവാരമുള്ള വിദ്യാഭ്യാസത്തിന് സുസ്ഥിരമായ ഭാവി ഉറപ്പാക്കാൻ കഴിയും: ഷെയ്‌ഖ മോസ | യുഎസ് വിസ ലഭിച്ചില്ലെങ്കിൽ യുഎൻ സമ്മേളനം ഒഴിവാക്കാൻ റൂഹാനി : സ്റ്റേറ്റ് മീഡിയ | അമീറിന്റെ സന്ദർശനം ഖത്തർ-ഫ്രാൻസ് ബന്ധം ശക്തിപ്പെടുത്തും | ഔദ്യോദിക സന്ദർശനത്തിനായി ഖത്തർ അമീർ പാരീസിലെത്തി |

വാഷിങ്ടണ്‍: സി.ഐ.എക്ക് വേണ്ടി പ്രവര്‍ത്തിച്ച 17 പേരെ ഇറാന്‍ പിടികൂടിയെന്നും ഇവരില്‍ ചിലരെ വധിച്ചെന്നുമുള്ള റിപ്പോര്‍ട്ട് നിഷേധിച്ച് യുഎസ് പ്രസിഡന്റ് ഡോണള്‍ഡ് ട്രംപ്. ട്വിറ്ററിലൂടെയാണ് ട്രംപ് വാര്‍ത്ത നിഷേധിച്ചത്. അമേരിക്കയുടെ ചാരന്മാരെ ഇറാന്‍ പിടികൂടിയെന്ന വാദം തീര്‍ത്തും തെറ്റാണെന്നും ഇത്തരത്തില്‍ ഇറാന്‍ പ്രചരിപ്പിക്കുന്ന ഓരോ കള്ളങ്ങളും പരാജയപ്പെടുകയാണെന്നും ട്രംപ് പറഞ്ഞു.

സി.ഐ.എക്ക് വേണ്ടി പ്രവര്‍ത്തിച്ച 17 പേരെ പിടികൂടിയെന്നും അതില്‍ ചിലരെ വധിച്ചതായും ഇറാന്‍ രഹസ്യാന്വേഷണ മന്ത്രാലയത്തെ ഉദ്ദരിച്ച് ദേശീയ മാധ്യമങ്ങളാണ്‌ റിപ്പോര്‍ട്ട് ചെയ്തത്. സാമ്പത്തികം, അടിസ്ഥാന വികസനം, ആണവകേന്ദ്രം, സേന, സൈബര്‍ മേഖല തുടങ്ങി നിര്‍ണായ കേന്ദ്രങ്ങളില്‍ ജോലിക്ക് പ്രവേശിച്ചിരുന്നവരെയാണ് സി.ഐ.എ ചാരന്‍മാരെന്ന് കണ്ടെത്തി ഇറാന്‍ പിടികൂടിയതെന്നാണ് റിപ്പോര്‍ട്ട്. ഇവര്‍ രഹസ്യസ്വഭാവമുള്ള വിവരങ്ങള്‍ കൈമാറിയതായി കണ്ടെത്തിയതായും മന്ത്രാലയം പുറത്തിറക്കിയ പ്രസ്താവനയില്‍ പറയുന്നു.

ഇറാനുമേല്‍ യു.എസ് ഉപരോധം കടുപ്പിച്ച സാഹചര്യത്തിലാണ് ഇക്കാര്യങ്ങള്‍ രാജ്യം പുറത്തുവിടുന്നത്. ഹോര്‍മുസ് കടലിടുക്കില്‍ ഇറാന്‍ ബ്രിട്ടീഷ് എണ്ണക്കപ്പലായ സ്റ്റെനോ എംപറോ പിടിച്ചുവെച്ചിരിക്കുകയാണ്.

Top