News Desk

2021-05-28 08:03:00 pm IST

ജിദ്ദ: വയറ്റിനുള്ളില്‍ ഒളിപ്പിച്ച് രാജ്യത്തേക്ക് കൊക്കെയിന്‍ കടത്താനുള്ള ശ്രമം സൗദി കസ്റ്റംസ് ഉദ്യോഗസ്ഥര്‍ കണ്ടെത്തി വിഫലമാക്കി. രണ്ട് വ്യത്യസ്ത സന്ദര്‍ഭങ്ങളിലായി സ്ത്രീ ഉള്‍പ്പെടെ രണ്ട് പ്രവാസികളില്‍ നിന്നാണ് 1.6 കിലോഗ്രാം തൂക്കം വരുന്ന കൊക്കെയിന്‍ ഗുളികകള്‍ കണ്ടെത്തിയത്.

വിദേശ രാജ്യത്ത് നിന്ന് ജിദ്ദയിലെ കിംഗ് അബ്ദുല്‍ അസീസ് വിമാനത്താവളത്തിലെത്തിയ സ്ത്രീയുടെ പെരുമാറ്റത്തില്‍ അസ്വാഭാവികത തോന്നിയ കസ്റ്റംസ് ഉദ്യോഗസ്ഥര്‍ സ്ത്രീയെ എക്സ്റേ പരിശോധനയ്ക്ക് വിധേയമാക്കിയപ്പോഴാണ് വയറ്റില്‍ 60 കാപ്സ്യൂളുകളുടെ രൂപത്തില്‍ കൊക്കെയിന്‍ കണ്ടെത്തിയത്. 683.5 ഗ്രാം വരുന്ന കൊക്കെയിന്‍ കാപ്സ്യൂളുകളാക്കി വിഴുങ്ങുകയായിരുന്നു ഇവര്‍ പിന്നാട് ഉദ്യോഗസ്ഥരോട് സമ്മതിച്ചു.

സമാനമായ സംഭവത്തില്‍ ഒരു പുരുഷ യാത്രക്കാരന്റെ വയറ്റിലും കൊക്കെയിന്‍ കണ്ടെത്തി. 918.5 ഗ്രാം തൂക്കം വരുന്ന കൊക്കെയിന്‍ 80 ക്യാപ്സൂളുകളിലാക്കി വിഴുങ്ങുകയായിരുന്നു. ഇരുവരുടെയും വിശദാംശങ്ങള്‍ പുറത്തിവിട്ടിട്ടില്ല. തുടര്‍ നടപടികള്‍ക്കായി ഇരുവരെയും പ്രൊസിക്യൂഷന് കൈമാറിയതായി അധികൃതര്‍ അറിയിച്ചു.



കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്‌സ്ആപ്പ് ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക

ALSO READ
Top