News Desk

2021-03-07 05:55:00 pm IST
ദുബൈ: കൊവിഡിനെതിരായ മുന്‍കരുതല്‍ നടപടികളാണ് മാസ്‌ക് ധരിക്കുന്നതും സാമൂഹിക അകലം പാലിക്കുന്നതും. യു.എ.ഇയില്‍ മാസ്‌ക് ധരിക്കുന്നതില്‍ വീഴ്ച്ച വരുത്തിയാല്‍ 3,000 ദിര്‍ഹം ആണ് പിഴ ഈടാക്കുക. എന്നാല്‍ അബുദാബി പബ്ലിക് ഹെല്‍ത്ത് സെന്ററിന്റെ നിര്‍ദേശപ്രകാരം ചില വിഭാഗങ്ങളെ ചില സാഹചര്യങ്ങളില്‍ മാസ്‌ക് ധരിക്കല്‍ നിന്ന് ഒഴിവാക്കിയിട്ടുണ്ട്..

രണ്ട് വയസ്സിന് താഴെയുള്ള കുഞ്ഞുങ്ങള്‍ക്ക് യു.എ.ഇയില്‍ മാസ്‌ക് ധരിക്കേണ്ടതില്ല. കടുത്ത ശാരീരിക ബുദ്ധിമുട്ടുള്ളവര്‍ക്കും ശ്വസന സംബന്ധമായ പ്രശ്നങ്ങളുള്ളവര്‍ക്കും മാസ്‌ക് ധരിക്കേണ്ടതില്ല. കാറില്‍ ഒറ്റയ്ക്കോ കുടുംബത്തിലെ ആരുടെയെങ്കിലും ഒപ്പമോ യാത്ര ചെയ്യുമ്പോള്‍ രാജ്യത്ത് മാസ്‌ക് ധരിക്കേണ്ടതില്ല.

റെസ്റ്റോറന്റുകളില്‍ സാമൂഹിക അകലം പാലിച്ചുകൊണ്ടിരുന്ന ഭക്ഷണം കഴിക്കുമ്പോഴോ മറ്റോ മാസ്‌ക് ധരിക്കേണ്ടതില്ല. അകലം പാലിച്ചുകൊണ്ട് നടക്കുക, ജോഗിങ് ചെയ്യുക, കായിക വിനോദങ്ങളില്‍ ഏര്‍പ്പെടുക, നീന്തല്‍ എന്നിവ ചെയ്യുമ്പോള്‍ മാസ്‌ക് ധരിക്കാന്‍ നിര്‍ബന്ധമില്ല. 

ഓഫിസില്‍ ഒറ്റയ്ക്ക് ആയിരിക്കുമ്പോള്‍ ചുറ്റും ആരുമില്ലെന്ന് ഉറപ്പ് വരുത്തിയതിന് ശേഷം മാസ്‌ക് ഒഴിവാക്കാം. പല്ല്, കണ്ണ്, മൂക്ക്, കഴുത്ത് എന്നീ ശരീര ഭാഗങ്ങളില്‍ പരിശോധന നടത്തുമ്പോള്‍ മാസ്‌ക് നിര്‍ബന്ധമില്ല.




കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ അംഗമാകൂ

വാര്‍ത്തകള്‍ വേഗത്തില്‍ അറിയുവാന്‍ ഞങ്ങളുടെ ടെലഗ്രാം ചാനല്‍ സബ്‌സ്‌ക്രൈബ് ചെയ്യാന്‍ ഇവിടെ ക്ലിക്ക് ചെയ്യുക

Top