Breaking News
ഫത്ത് അൽ-ഖൈർ കപ്പൽ നാലാമത്തെ യാത്ര പൂർത്തിയാക്കി | ഇന്ന് ശക്തമായ കാറ്റിനും മഴയ്ക്കും സാധ്യതയെന്ന് ഖത്തർ കാലാവസ്ഥ വകുപ്പ് | മക്കയിലെ മസ്ജിദുല്‍ ഹറമിന്റെ വിവിധ മുറ്റങ്ങളില്‍ തണൽ കുടകൾ ഉടന്‍ സ്ഥാപിക്കും | ഒമാനിൽ പുതിയ ശിശു സംരക്ഷണ നിയമം പ്രാബല്യത്തിൽ | വിദേശ തൊഴിലാളികളുടെ റിക്രൂട്മെന്റ് തൊഴിൽ വിപണിയുടെ ആവശ്യത്തിനനുസൃതമായി : കുവൈത്ത് | യു എ ഇ സൈനികർക്ക് പ്രചോദനം നല്കാൻ ഖത്തർ സൈനികരുടെ ചിത്രങ്ങൾ: സോഷ്യൽ മീഡിയയിൽ പൊട്ടിച്ചിരി | ഖത്തറിലെ റോഡ് ശൃംഖലകൾ അമേരിക്ക ബ്രിട്ടൻ എന്നീ രാഷ്ട്രങ്ങളുടെ സ്മാർട്ട് റോഡുകൾക്ക് സമമെന്ന് | ഇസ്ലാം മതപ്രസംഗകന്‍ സാക്കിര്‍ നായിക്കിന് മലേഷ്യയില്‍ പ്രഭാഷണം നടത്തുന്നതിന് വിലക്ക് | വിജയ കുതിപ്പിൽ ചന്ദ്രയാൻ : ചന്ദ്രയാൻ 2 പേടകം ചന്ദ്രന്റെ ഭ്രമണപഥത്തിലെത്തി | കശ്മീർ വിഷയം : ഇന്ത്യ-പാക്ക് പ്രധാനമന്ത്രിമാരുമായി ട്രംപിന്റെ ടെലിഫോണ്‍ സംഭാഷണം |
ടെഹ്‌റാൻ : പേർഷ്യൻ ഗൾഫിൽ ഇസ്രേയൽ സാന്നിദ്ധ്യമൂലം ഉണ്ടാകുന്ന അനന്തരഫലങ്ങൾക്ക്  യുഎസ്, യുകെ  രാജ്യങ്ങളാകും ഉത്തരവാദികളെന്ന് ഇസ്ലാമിക് റെവല്യൂഷണറി ഗാർഡ് കോർപ്സ് കാമാൻഡർ വ്യക്തമാക്കി.

പേർഷ്യൻ ഗൾഫിലെ  ഇസ്രയേലിന്റെ ഏതൊരു സാന്നിധ്യവും യുദ്ധം ആരംഭിക്കുന്നതിലേയ്ക്ക് എത്തിക്കുമെന്ന്  ഇറാനിയൻ റെവല്യൂഷണറി ഗാർഡിന്റെ നാവികസേനയുടെ കമാൻഡർ അലിറേസ തങ്‌സിരി ഞായറാഴ്ച മുന്നറിയിപ്പ് നൽകി.

 ഇസ്രേയൽ നടത്തുന്ന  നടത്തുന്ന ഏതൊരു നിയമവിരുദ്ധമായ സാന്നിധ്യവും ഒരു യുദ്ധത്തിന് കാരണമാകുമെന്നും അതിനെല്ലാം ഉത്തരവാദികൾ യുഎസ്, യുകെ ആയിരിക്കുമെന്നും ലെബനൻ ആസ്ഥാനമായുള്ള അൽ-മയാദീൻ ടിവിയോട് അദ്ദേഹം പറഞ്ഞു. 

 ഗൾഫിലെ സുരക്ഷ ഇറാനെ സംബന്ധിച്ചിടത്തോളം ഏറ്റവും പ്രധാനപ്പെട്ട പ്രശ്നമാണെന്നും അന്താരാഷ്ട്ര സമുദ്ര റൂട്ടുകൾ തുറന്നുകിടക്കണമെന്നു ഞങ്ങൾ ആഗ്രഹിക്കുന്നുവെന്നും   തങ്‌സിരി കൂട്ടിച്ചേർത്തു.

ഇറാൻ ബ്രിട്ടീഷ് പതാകയുള്ള എണ്ണ ടാങ്കർ പിടിച്ചെടുക്കുന്നതിന്റെ പരിണതഫലമായി അമേരിക്കയുടെ നേതിര്ത്വത്തിൽ ഓപ്പറേഷൻ സെന്റിനൽ എന്ന പേരിൽ  രാജ്യങ്ങളുടെ സഖ്യം കെട്ടിപ്പടുക്കുന്നതിനുള്ള പദ്ധതികൾ മുന്നോട്ട്  വരുന്നുണ്ടെന്നും വ്യക്തമാക്കിയ അദ്ദേഹം ഗൾഫിലെ യുഎസ് നേതൃത്വത്തിലുള്ള സഖ്യത്തിൽ ഇസ്രയേൽ പങ്കെടുക്കുമെന്ന് ഞങ്ങൾക്ക് വ്യക്തമാണെന്നും എന്നാൽ ഇത്  വിനാശകരമായ പ്രത്യാഘാതങ്ങൾ സൃഷ്ടിക്കുമെന്നും   ചൂണ്ടിക്കാട്ടി.
Top