Breaking News
ഏഷ്യൻ തൊഴിലാളികൾക്ക് വെള്ളിയാഴ്ച സൗജന്യ മെഡിക്കൽ ക്യാമ്പ് | സൈബർ തട്ടിപ്പിനെതിരെ ഖത്തർ ആഭ്യന്തര മന്ത്രാലയം ജാഗ്രത | ദോഹ തുറമുഖത്ത് പുതിയ ക്രൂയിസ് പാസഞ്ചർ ടെർമിനൽ ഉദ്ഘാടനം ചെയ്തു | അരാംകോയില്‍ എണ്ണ ഉത്പാദനം അടുത്ത മാസാവസാനം പൂര്‍ണ തോതില്‍ ആരംഭിക്കും | അ​ഫ്ഗാ​നി​സ്ഥാ​നി​ല്‍ താ​ലി​ബാ​ന്‍ ആ​ക്ര​മ​ണ​ത്തി​ല്‍ 15 പോ​ലീ​സു​കാ​ര്‍ കൊ​ല്ല​പ്പെ​ട്ടു | സിറിയൻ അതിർത്തിയിൽ നിന്ന് സൈന്യത്തെ പിൻവലിക്കുമെന്ന് തുർക്കി | പ്രധാനമന്ത്രി നരേന്ദ്ര മോദി ഈ മാസം 29ന് സൗദി അറേബ്യ സന്ദര്‍ശിക്കും | ബി.സി.സി.ഐയെ ഇനി ഗാംഗുലി നയിക്കും; പ്രസിഡന്റായി ചുമതലയേറ്റു | ഖത്തർ എയർവേയ്‌സ് അടുത്ത വർഷം 40 വിമാനങ്ങൾ സ്വന്തമാക്കും | ഖത്തറിൽ ഏറ്റവും വലിയ അറവുശാല 2020ൽ അൽ വക്രയിൽ |
അത്തറിന്റെ മണമുള്ള ഖത്തർ ഇന്ന് അയൽ രാഷ്ട്രങ്ങൾ ഏർപ്പെടുത്തിയ ഉപരോധത്തെ മറികടന്ന് വിജയത്തിന്റെ പാതയിലൂടെ സഞ്ചരിക്കുകയാണ്. സൌദി, യുഎഇ, ബഹ്റൈൻ, ഈജിപ്ത് എന്നീ രാജ്യങ്ങൾ ഖത്തറിനു മേൽ ഏർപ്പെടുത്തിയ ഉപരോധം രണ്ടുവർഷം പിന്നിട്ട പശ്ചാത്തലത്തിലാണ്  ഖത്തറിന്റെ വളർച്ച.

2017 ജൂൺ 5 ന് സൗദിയുടെ നേതൃത്വത്തിൽ ഏർപ്പെടുത്തിയ ഉപരോധം ആദ്യ നാളുകളിൽ ഖത്തറിനെ സാരമായി ബാധിച്ചു. എന്നാൽ ഖത്തർ അമീർ ഷെയ്ഖ് തമിം ബിൻ ഹമ്മദ് അൽതാനിയുടെ ഭരണത്തിന് കീഴിൽ രാജ്യം ഉപരോധത്തെ അതിവേഗം മറികടന്നു.

2022ൽ അറബ് മേഖലയിൽ ആദ്യമായി ഖത്തർ ആതിഥേയത്യം വഹിക്കുന്ന ഫിഫ ലോകകപ്പ്  രാജ്യത്തെ ആഗോളതലത്തിലേയ്ക്ക് ഉയർത്തുകയാണ് ചെയ്യുന്നത്.  

ഇതിനെല്ലാം മുന്നോടിയാണ് ഖത്തർ  ലോക അത്ലറ്റിക് ചാമ്പ്യന്‍ഷിപ്പിന് ആതിഥേയത്വം വഹിച്ചത്. ഫിഫ ലോകകപ്പ് ലോകത്തിനായി നൽകുന്നതിന്റെ ഒരു സാംപിൾ വെടിക്കെട്ടായിയാണ്  ലോക അത്ലറ്റിക് ചാമ്പ്യന്‍ഷിപ്പിനെ ഖത്തർ ഉപയോഗപ്പെടുത്തിയത്.

ലോകകപ്പ് ഖത്തറിന് നടത്താൻ കഴിയില്ലെന്ന് ആവർത്തിച്ചു വാദിക്കുന്ന ഉപരോധരാഷ്ട്രങ്ങൾക്ക് മറുപടിയായാണ് ഖത്തർ  ലോക അത്ലറ്റിക് ചാമ്പ്യന്‍ഷിപ്പിൽ കാഴ്ച്ച വെച്ചത്. ഖത്തർ ഒരു മികച്ച മാതൃകയാണെന്നും മല്സരങ്ങൾക്കയി ഒരുക്കിയ സജ്ജീകരണങ്ങൾ വളരെ മികച്ചതാണെന്നും അന്തരാഷ്ട്ര മാധ്യമങ്ങളും നിരീക്ഷകരും വിലയിരുത്തി.
 
ഉപരോധ രാഷ്ട്രമായ ബഹ്‌റൈൻ നിന്നുള്ള മത്സരാർത്ഥിക്ക് ഖത്തർ നൽകിയ പിന്തുണ ലോക ശ്രദ്ധ നേടിയിരുന്നു.ഞങ്ങൾ എല്ലാവരെയും സ്നേഹിക്കുമെന്നും ആരോടും വൈരാഗ്യമില്ലെന്നും ഖത്തർ വ്യക്തമാകുകയാണ് ഇതിലൂടെ ചെയ്യുന്നതെന്ന് മാധ്യമങ്ങൾ വിലയിരുത്തി.

ലോക അത്ലറ്റിക് ചാമ്പ്യന്‍ഷിപ്പിൽ ഒരു സ്വർണവും ഒരു വെങ്കലവും ഉൾപ്പെടെ ഖത്തർ ആറാം സ്ഥാനമാണ് നേടിയിരിക്കുന്നത്. ഖത്തറിൽ നിന്ന് ആദ്യമായി വനിതാ താരങ്ങൾ പങ്കെടുത്ത വേദികൂടിയായിരുന്നു 2019ലെ ദോഹ ലോക അത്ലറ്റിക് ചാമ്പ്യന്‍ഷിപ്പ്.

അതേസമയം  2019-ലെ ലോക ബീച്ച് ഗെയിസിന് വേദിയാകുകയാണ് ഖത്തര്‍ . ഒക്ടോബര്‍ 12 മുതല്‍ 16 വരെയാണ് ലോക ബീച്ച്‌ ഗെയിംസ് നടക്കുക. കായിക രംഗത്ത് ശക്തമായ വളർച്ചയാണ് ഖത്തർ ഉപരോധത്തിന് ശേഷം കാഴ്ചവെച്ചിരിക്കുന്നത്. 

രാജ്യത്തിന്റെ വളർച്ചയ്ക്ക് കാരണമാകുന്ന നിരവധി മേഖലകളിൽ ഖത്തർ സ്വയംപര്യാപ്തത നേടിക്കൊണ്ടിരിക്കുകയാണ് ഇപ്പോൾ. ഉപരോധ രാഷ്ടങ്ങൾക്ക് ഖത്തർ നൽകുന്ന തിരിച്ചടിയാണ് ഇതെന്ന് ലോക രാഷ്ട്രങ്ങൾ പറയുന്നു.

അമീറിന് ആഗോളതലത്തിൽ ലഭിക്കുന്ന സ്വീകാര്യതയും അംഗീകാരവും ഖത്തറിന് കൂടുതൽ ബലം നൽകുന്നു. ഐക്യരാഷ്ട്ര സഭയുൾപ്പടെയുള്ള ആഗോള വേദികളിൽ ഖത്തറിന്റ പങ്കാളിത്തം പ്രശംസനീയമാണ്.

ഖത്തറിലെത്തിയ അന്തരാഷ്ട്ര തലങ്ങളിലെ പ്രതിനിധികൾ ഖത്തറിനെ വാനോളം പുകഴ്ത്തിയാണ് ദോഹയിൽ നിന്നും മടങ്ങിയത്. ലോക അത്‌ലറ്റിക് മാമാങ്കത്തിന്റെ ചരിത്രത്തിലെ തങ്ക ലിപികളാൽ എഴുതപ്പെടേണ്ട ഒരു വാരമാണ് ഖത്തറിൽ കഴിഞ്ഞു പോയതെന്ന് അധികൃതർ സൂചിപ്പിച്ചു.

ലോക അത്ലറ്റിക് ചാമ്പ്യന്‍ഷിപ്പിലെ സംഘടന മികവ് ഖത്തർ ലോകകപ്പിലേയ്ക്ക് നൽകുന്ന വലിയൊരു പ്രതീക്ഷയാണ്. ചാമ്പ്യന്‍ഷിപ്പ് വളരെ മികവാർന്ന രീതിയിൽ അവതരിപ്പിച്ച ഖത്തർ ലോകകപ്പിനെ മികച്ചതാകുമെന്നാണ് അധികൃതർ വ്യക്തമാക്കുന്നത്.

പരാജയങ്ങളെ മറികടന്ന് ഖത്തർ മുന്നേറുന്നുവെന്ന് ഉപരോധ രാഷ്ട്രങ്ങൾ മനസിലാക്കണമെന്നതാണ് ഖത്തരി പൗരന്മാരും പ്രവാസികളും വ്യക്തമാകുന്നത്. ഖത്തർ ഇനിയും മുന്നോട്ട് പോകുമെന്നും നിങ്ങൾ ഉപരോധിച്ചാലും ഖത്തർ വിജയിക്കുമെന്നും ഖത്തരി ജനത പറയുന്നു.





 

Top